Ոստիկանները բացահայտեցին Նոր-Արեշում կատարված կողոպուտը

Հունիսի 2-ի երեկոյան 66-ամյա մի բուժքույր հաղորդում է տվել, որ մայիսի 31-ի ցերեկը Նոր-Արեշում անհայտ անձը քաշել-պոկել է իր պարանոցի ոսկյա շղթան՝ խաչով և դիմել փախուստի:
Էրեբունու քրեական հետախույզները, ստացված օպերատիվ տվյալներն իրացնելիս, համագործակցելով անչափահասների գործերով և ընտանեկան բռնության կանխարգելման բաժանմունքի ծառայողների հետ, հունիսի 3-ին բերման են ենթարկել 38-ամյա մի տղամարդու: Նա տվել է խոստովանական բացատրություն:
Ձեռնարկվում են միջոցառումներ ոսկյա շղթան հայտնաբերելու ուղղությամբ:
Կատարվում է քննություն:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: