Մասնագիտական պարապմունք ոստիկանությունում (ՏԵՍԱՆՅՈՒԹ)

Փետրվարի 14-ին տեղի ունեցավ ոստիկանության տարածքային բաժինների պետերի մասնագիտական պարապմունք, որը վարում էր ոստիկանության պետի տեղակալ, ոստիկանության գեներալ-մայոր Վարդան Եղիազարյանը։
Օրակարգում հետեւյալ հարցերն էին՝ հանցագործությունների, վարչական իրավախախտումների, պատահարների վերաբերյալ ոստիկանության կողմից հաղորդումներն ընդունելու, գրանցելու, հաշվառելու եւ ընթացք տալու կարգը սահմանելու մասին կառավարության որոշման դրույթների, ինչպես եւ այդ որոշման պահանջների կատարման նկատմամբ հսկողության կարգը հաստատելու մասին հրամանի դրույթների պարզաբանում։ Քննարկվեցին նաեւ թարգման ներգրավելու կարգի եւ առանձնահատկությունների, ինչպես եւ քրեական գործ հարուցելու առիթների եւ հանցագործությունների մասին ոչ վերացական հաղորդումների վերաբերյալ Վճռաբեկ դատարանի նախադեպային որոշումների, պայթյունների դեպքի վայրի զննության առանձահատկությունների, պետական պահպանության գլխավոր վարչության կողմից օբյեկտների պահպանության կազմակերպման վերաբերյալ հարցեր։
Ավարտին ոստիկանության տարածքային բաժինների պետերին տրվեցին կոնկրետ հանձնարարականներ։