Պատահարներ Երևանում և հանրապետության ավտոճանապարհներին

Սեպտեմբերի 26-ին, ժամը 21.50-ին, «Օպել» մակնիշի ավտոմեքենան Երևանի Սասունցի Դավթի և Բելինսկու փողոցների խաչմերուկում բախվել է «Հոնդա» մակնիշի ավտոմեքենայի:
«Օպել»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Սեպտեմբերի 26-ին, ժամը 8.30-ին, «Շկոդա» մակնիշի ավտոմեքենայի վարորդը Երևանի Գայի պողոտայի թիվ 19/29 հասցեի մոտ վրաերթի է ենթարկել 63-ամյա կնոջ, որը անգիտակից վիճակում տեղափոխվել է հիվանդանոց:
Կատարվում է քննություն:

***
Սեպտեմբերի 12-ին վնասվածքներով բուժօգնության էր դիմել 39-ամյա քաղաքացուհի և հայտնել, որ Նոր Նորքի 4-րդ զանգվածում վայր է ընկել:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ սեպտեմբերի 12-ին, ժամը 15-ին, «Ֆորդ Տրանզիտ» մակնիշի ավտոմեքենայի 40-ամյա վարորդը Երևանի Գյուլիքևխյան փողոցի թիվ 31 հասցեի մոտ վրաերթի է ենթարկել հիշյալ քաղաքացուհուն:
Կատարվում է քննություն:

***
Սեպտեմբերի 26-ին, ժամը 23.30-ին, «Նիսան» մակնիշի ավտոմեքենայի վարորդը Երևանի Գայի պողոտայի թիվ 19/29 հասցեի մոտ վրաերթի է ենթարկել 27-ամյա քաղաքացուհու, որը տեղափոխվել է հիվանդանոց:
Վարորդը նույնպես տեղափոխվել է հիվանդանոց:
Կատարվում է քննություն:

***
Սեպտեմբերի 26-ին, ժամը 16.40-ի սահմաններում, «Նիսան X-TRAIL» մակնիշի ավտոմեքենան Երևան-Գյումրի ճանապարհի 68-րդ կմ-ին դուրս է եկել երթևեկելի գոտուց և շրջվել:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Սեպտեմբերի 26-ին, ժամը 12.30-ի սահմաններում, «Օպել Աստրա» մակնիշի ավտոմեքենան Վանաձորի Բաղրամյան պողոտայի թիվ 88 հասցեի մոտ բախվել է էլեկտրասյանը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Սեպտեմբերի 26-ին, ժամը 10.30-ի սահմաններում, «Օպել Վեկտրա» մակնիշի ավտոմեքենայի վարորդը Վանաձորի Վարդանանց փողոցի թիվ 116/1 հասցեի մոտ վրաերթի է ենթարկել 15-ամյա երկու աղջկա, ովքեր մարմնական վնասվածքներով տեղափոխվել են հիվանդանոց:
Կատարվում է քննություն:

***
Սեպտեմբերի 26-ին, ժամը 21.50-ի սահմաններում, «Օպել» մակնիշի ավտոմեքենան Վանաձորի Զորավար Անդրանիկի փողոցում բախվել է էլեկտրասյանը, ինչի հետևանքով վարորդը և ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն:

***
Սեպտեբերի 26-ին, ժամը 19.35-ի սահմաններում, Հրազդան քաղաքի Կենտրոն թաղամասից Վանատուր թաղամաս տանող ճանապարհին իրար են բախվել «ՎԱԶ-2107» և «Մերսեդես» մակնիշի ավտոմեքենաներ:
«ՎԱԶ-2107»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Սեպտեմբերի 26-ին, ժամը 15-ի սահմաններում, «ՎԱԶ-21099» մակնիշի ավտոմեքենան Զովունի-Եղվարդ ճանապարհի 4-րդ կմ-ին բախվել է «Օպել» մակնիշի ավտոմեքենայի:
«Օպել»-ի 2 ուղևորները մարմնական վնասվածքներով տեղափոխվել են հիվանդանոց:
Նույն օրը, ժամը 18.30-ին, «ՎԱԶ-21099»-ի վարորդը ևս մարմնական վնասվածքով դիմել է հիվանդանոց:
Կատարվում է քննություն:

***
Սեպտեմբերի 26-ին, ժամը 11.30-ի սահմաններում, «ԲՄՎ» մակնիշի ավտոմեքենան Գյումրիի Վարդ-Բաղ 3-րդ միկրոշրջանի թիվ 6 շենքի դիմաց կողաշրջվել է, ինչի հետևանքով ուղևորը մարմնական վնասվածքներով տեղափոխվել է հիվանդանոց:
Կատարվում է քննություն: