Ճանապարհատրանսպորտային պատահարներ

Փետրվարի 15-ին, ժամը 18.00-ին, Երևանի Հալաբյան փողոցի թիվ 16 հասցեի դիմաց անհայտ ավտոմեքենայի վարորդը վրաերթի է ենթարկել 15-ամյա 2 աղջիկների, որոնք մարմնական վնասվածքներով տեղափոխվել են հիվանդանոց:
Կատարվում է քննություն:

***

Փետրվարի 16-ին, ժամը 00.05-ի սահմաններում, Երևան-Արտաշատ ճանապարհի 14-րդ կմ-ին` Մարմարաշեն գյուղի հատվածում, իրար են բախվել «Տոյոտա Կորոլա» և «ՎԱԶ-21010» մակնիշի ավտոմեքենաներ:
Վարորդները, «ՎԱԶ-21010»-ի ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Փետրվարի 15-ին, ժամը 11.15-ի սահմաններում, Հրազդան քաղաքի Զորավար Անդրանիկի պողոտայի «Հրազդան» Բ/Կ խաչմերուկի մոտակայքում իրար են բախվել «Ֆոլքսվագեն» և «ՎԱԶ-2106» մակնիշի ավտոմեքենաներ:
«Ֆոլքսվագեն»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***

Փետրվարի 15-ին, ժամը 17.50-ի սահմաններում, Գյումրիի Շիրակացու փողոցի և Մարմաշենի խճուղու խաչմերուկում իրար են բախվել «Մերսեդես» և «ՎԱԶ-21099» մակնիշի ավտոմեքենաներ:
«ՎԱԶ-21099»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն: