Պատահարներ ավտոճանապարհներին

Հունիսի 12-ին, ժամը 23.00-ին, «ՎԱԶ-2121» մակնիշի ավտոմեքենան Երևանի Մաշտոցի պողոտայի թիվ 5 հասցեի դիմաց գտնվող ստորգետնյա թունելում ստեղծել է վթարային իրավիճակ, ինչի հետևանքով «ՎԱԶ-2170» մակնիշի ավտոմեքենան բախվել է ճանապարհի բետոնե պատնեշին:
«ՎԱԶ-2170»-ի ուղևորը մարմնական վնասվածքներով բուժօգնության է դիմել հիվանդանոց:
Կատարվում է քննություն:

***
Հունիսի 12-ին, ժամը 22.30-ին, «Օպել» մակնիշի ավտոմեքենայի վարորդը Երևանի Իոսիֆյան փողոցի թիվ 7/1 հասցեի դիմաց վրաերթի է ենթարկել 29-ամյա քաղաքացուհու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 12-ին, ժամը 18.05-ին, հիվանդանոցից ոստիկանությունում հաղորդում է ստացվել, որ «գլխի տրավմա» ախտորոշմամբ բուժօգնության է տեղափոխվել 16-ամյա երիտասարդ, որը հիվանդանոցում հայտնել է, որ հունիսի 11-ին, ժամը 18.30-ին, «ՎԱԶ-2101» մակնիշի ավտոմեքենայով Արարատի մարզի Մասիս գյուղում վթարի է ենթարկվել, ինչի հետևանքով գլուխը հարվածել է դիմապակուն:
Կատարվում է քննություն:

***
Հունիսի 12-ին, ժամը 9.00-ին, «Օպել» մակնիշի ավտոմեքենայի վարորդը Երևանի Սասունցի Դավթի և Բուռնազյան փողոցների խաչմերուկում վրաերթի է ենթարկել 46-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 12-ին, ժամը 21.00-ին, «Օպել» մակնիշի ավտոմեքենան Երևանի Էրեբունի և Արցախի փողոցների խաչմերուկում բախվել է «Նիսսան» մակնիշի ավտոմեքենայի:
«Նիսսան»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 12-ին, ժամը 15.20-ի սահմաններում, «Մերսեդես Բենց Տ 550» մակնիշի ավտոմեքենայի վարորդը Երևան-Երասխ ճանապարհի 37 կմ-ին՝ Փոքր Վեդի գյուղի հատվածում, վրաերթի է ենթարկել 65-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 12-ին, ժամը 14.00-ին, Երևան-Արմավիր ճանապարհի 32-րդ կմ-ին իրար են բախվել «Ֆոլքսվագեն Վենտո» և «Մոսկվիչ-412» մակնիշի ավտոմեքենաներ:
Պատահարի հետևանքով «Ֆոլքսվագեն Վենտո»-ի 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունիսի 12-ին, ժամը 16.30-ի սահմաններում, «Բելառուս 82» մակնիշի տրակտորը Գեղարքունիքի մարզի Ճամբարակ քաղաքին պատկանող Կարափափախ հանդամասում կողաշրջվել է, ինչի հետևանքով վարորդը և 2 ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Հունիսի 12-ին, ժամը 15.50-ի սահմաններում, «Մերսեդես S-500» մակնիշի ավտոմեքենան Արմավիր-Գյումրի ճանապարհի 73-րդ կմ-ին դուրս է եկել ճանապարհի բանուկ մասից և կողաշրջվել:
Վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունիսի 12-ին, ժամը 14.00-ին, «ԳԱԶ-3110» մակնիշի ավտոմեքենան Երևան-Կապան ճանապարհի 300-րդ կմ-ին բախվել է «ԶԻԼ» մակնիշի բեռնատարի:
«ԳԱԶ-3110»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն: