Պատահարներ Երևանում և հանրապետության ավտոճանապարհներին

Դեկտեմբերի 11-ին, ժամը 18.30-ին, «ԳԱԶ-31029» մակնիշի ավտոմեքենան Նուբարաշենի խճուղու թիվ 4 էլեկտրասյան դիմաց բախվել է «ԳԱԶ-31029» մակնիշի ավտոմեքենայի:
«ԳԱԶ-31029»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 11-ին, ժամը 18.35-ին, «ԳԱԶ-32213» մակնիշի ավտոմեքենան Երևանի Ռոստովյան և Աթոյան փողոցների խաչմերուկում բախվել է «Օպել» մակնիշի ավտոմեքենայի:
Պատահարի հետևանքով «Օպել»-ի ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***
Դեկտեմբերի 11-ին, ժամը 3.30-ի սահմաններում, «ՎԱԶ-2106» մակնիշի ավտոմեքենայի վարորդը Երևան-Արտաշատ ավտոճանապարհի Ջրահովիտ գյուղի սկզբնամասում վրաերթի է ենթարկել 34-ամյա քաղաքացուհու և իր ավտոմեքենայով տեղափոխել նրան հիվանդանոց:
Կատարվում է քննություն:

***
Դեկտեմբերի 11-ին, ժամը 13.10-ի սահմաններում, Երևան-Իջևան ավտոճանապարհի 53-րդ կմ-ի հատվածից դեպի Սևան քաղաք տանող ճանապարհահատվածում «Ֆոլքսվագեն Գոլֆ» մակնիշի ավտոմեքենան դուրս է եկել երթևեկելի գոտուց և բախվել ԱԳԼՃԿ-ի տարածքի շինության պատին, ինչի հետևանքով 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 11-ին, ժամը 10.10-ի սահմաններում, Դիլիջանի Թբիլիսյան խճուղում իրար են բախվել «Օպել Աստրա» և «ՎԱԶ-2106» մակնիշի ավտոմեքենաներ:
Պատահարի հետևանքով «ՎԱԶ-2106»-ի վարորդը և ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 9-ին, ժամը 16.05-ին, Երևանի Արտաշիսյան փողոցի թիվ 41 շենքի դիմաց իրար են բախվել «ՎԱԶ-21011» և «Ֆոլքսվագեն» մակնիշի ավտոմեքենաներ:
«ՎԱԶ-21011»-ի ուղևորին շտապօգնության բժիշկները ցուցաբերել են բուժօգնություն:
Կատարվում է քննություն:

***
Դեկտեմբերի 9-ին, ժամը 20.00-ին, Երևանի Գայի պողոտայի և Մոլդովական փողոցի խաչմերուկում իրար են բախվել «ԲՄՎ», «Ռենո» և «Օպել» մակնիշի ավտոմեքենաներ:
Պատահարի հետևանքով «Ռենո»-ի ուղևորը մարմնական վնասվածքներով բուժօգնության է դիմել հիվանդանոց:
Կատարվում է քննություն:

***
Դեկտեմբերի 10-ին, ժամը 17.15-ի սահմաններում, «Տոյոտա Պրադո» մակնիշի ավտոմեքենան Երևան-Գյումրի-Բավրա ճանապարհի 82-րդ կմ-ին դուրս է եկել երթևեկելի գոտուց և շրջվել, ինչի հետևանքով 3 ուղևորներ մարմնական վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 10-ին, ժամը 18.05-ի սահմաններում, Երևան-Գյումրի ճանապարհի 69-րդ կմ-ին իրար են բախվել «ՎԱԶ-2106» մակնիշի երկու ավտոմեքենա:
Պատահարի հետևանքով վարորդները և 1 ուղևոր մարմնական վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 10-ին, ժամը 18.45-ի սահմաններում, «Ֆոլքսվագեն Վենտո» մակնիշի ավտոմեքենան Երևան-Գյումրի-Բավրա ճանապարհի 82-րդ կմ-ին դուրս է եկել երթևեկելի գոտուց և ընկել ձորակը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 10-ին, ժամը 23.20-ի սահմաններում, Էջմիածին-Մարգարա ճանապարհի 9-րդ կմ-ին իրար են բախվել «Մերսեդես» և «ԳԱԶ-3102» մակնիշի ավտոմեքենաներ:
Պատահարի հետևանքով «ԳԱԶ-3102»-ի վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն: