Ճանապարհատրանսպորտային պատահարներ մայրաքաղաքում և հանրապետության ավտոճանապարհներին

Դեկտեմբերի 21-ին, ժամը 04.00-ին, Երևանի Տիգրան Մեծի պողոտայի թիվ 38/2 շենքի դիմաց անհայտ մակնիշի ավտոմեքենայի վարորդը բախվել է «ԲՄՎ-525» մակնիշի ավտոմեքենայի, ինչի հետևանքով «ԲՄՎ-525»-ի 2 ուղևորուհիները վնասվածքներով տեղափոխվել են հիվանդանոց:
Կատարվում է քննություն:

***
Դեկտեմբերի 21-ին, ժամը 02.00-ին, Երևանի Անդրանիկի փողոցի թիվ 148/2 շենքի դիմաց անհայտ ավտոմեքենայի վարորդը վրաերթի է ենթարկել 19-ամյա երիտասարդի, որը վնասվածքներով բուժօգնության է դիմել հիվանդանոց:
Կատարվում է քննություն:

***
Դեկտեմբերի 21-ին, ժամը 15.10-ին, 1974 թ. ծնված Վահագ Ս.-ն վարելով «ՎԱԶ-2106» մակնիշի ավտոմեքենան Ոսկետափ-Վեդի ճանապարհի 5-րդ կմ-ին բախվել է 1987 թ. ծնված Շահեն Ս.-ի վարած «Օպել Աստրա» մակնիշի ավտոմեքենային, ինչի հետևանքով «ՎԱԶ-2106» մակնիշի ավտոմեքենայի ուղևորը մարմնական վնասվածքով տեղափոխվել է հիվանդանոց:
Կատարվում է քննություն:

***

Դեկտեմբերի 21-ին, ժամը 11.00-ի սահմաններում, «Շկոդա Օկտավիա» մակնիշի ավտոմեքենան բախվել է Կոտայքի մարզի Գետամեջ գյուղի 1-ին փողոցի թիվ 18 տան պատին:
Վարորդը մարմնական վնասվածքներով դիմել է հիվանդանոց:
Կատարվում է քննություն: