ՄԱՍՆԱՎՈՐ ՊԱՀՆՈՐԴԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ՕԳՏԱԳՈՐԾՎՈՂ ՀԱՏՈՒԿ ՄԻՋՈՑՆԵՐԻ ՏԵՍԱԿԸ ԵՎ ՔԱՆԱԿԸ ՍԱՀՄԱՆԵԼՈՒ ՄԱՍԻՆ

ՀՀ ոստիկանության պետի 27.03.2017թ. № 816-Ա հրամանը
ՄԱՍՆԱՎՈՐ ՊԱՀՆՈՐԴԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ՕԳՏԱԳՈՐԾՎՈՂ ՀԱՏՈՒԿ ՄԻՋՈՑՆԵՐԻ ՏԵՍԱԿԸ ԵՎ ՔԱՆԱԿԸ ՍԱՀՄԱՆԵԼՈՒ ՄԱՍԻՆ

«Մասնավոր պահնորդական գործունեության մասին» ՀՀ օրենքի ՀՕ-6-Ն 16-րդ հոդվածի 2-րդ մասի համաձայն.

Հ Ր Ա Մ Ա Յ ՈՒ Մ Ե Մ՝

1. Սահմանել օրենքով նախատեսված հատուկ միջոցների տեսակներից յուրաքանչյուր մասնավոր պահնորդական կազմակերպության կողմից օգտագործվող հետևյալ քանակությունը՝
1) տեխնիկական պայմաններին համապատասխանող ռետինե մահակներ և ձեռնաշղթաներ, կազմակերպությունում աշխատող որակավորված պահնորդների (թիկնապահների) թվաքանակին համապատասխան՝ յուրաքանչյուրին մեկական միավորի հաշվարկով,
2) ծառայությունների մատուցման պայմանագրի պահանջներից և պահպանվող օբյեկտի առանձնահատկություններից ելնելով՝ անհրաժեշտ քանակությամբ պահնորդական շներ և տրանսպորտային միջոցը հարկադիր կանգնեցնելու միջոցներ:
2. ՀՀ ոստիկանության հասարակական կարգի ապահովման վարչության պետ, ոստիկանության գնդապետ Ա.Կիրակոսյանին՝
1) ապահովել սույն հրամանի քաղվածքի տրամադրումը մասնավոր պահնորդական գործունեություն իրականացնող կազմակերպություններին,
2) հսկողություն սահմանել հրամանի պահանջների կատարման նկատմամբ:
3. ՀՀ ոստիկանության հասարակայնության հետ կապի և լրատվության վարչության պետ, ոստիկանության գնդապետ Ա.Ահարոնյանին՝ ապահովել սույն հրամանի քաղվածքի տեղադրումը ՀՀ ոստիկանության http://www. police.am կայքէջում:
4. Հրամանը ծանոթացնել ՀՀ ոստիկանության իրավասու ծառայություններին:

ՈՍՏԻԿԱՆՈՒԹՅԱՆ ԳԵՆԵՐԱԼ-ԳՆԴԱՊԵՏ
Վ. ԳԱՍՊԱՐՅԱՆ

27.03.2017թ.
ք. Երևան