Հետախուզվողների հայտնաբերում՝ ոստիկանության վետերանների աջակցությամբ

Մարտի 16-ին, ժամը 20.40-ին, ոստիկանության Կենտրոնականի բաժնի ծառայողները, Կենտրոն վարչական շրջանի ոստիկանության վետերանների հետ համատեղ, «Օղակաձև» զբոսայգու «Լունապարկ» զվարճանքի կենտրոնից բերման են ենթարկել 1991 թ. ծնված Աննա Ս.-ին, ով մարտի 16-ից հետախուզվում էր ՀՀ քրեական օրենսգրքի 177 հոդվածի /գողություն/ 2-րդ մասի 1-ին և 3-րդ կետերի մեղադրանքով:

***
Ոստիկանության Հրազդանի բաժնի ծառայողների և ոստիկանության վետերանների ձեռնարկած միջոցառումների շնորհիվ՝ մարտի 16-ին, ժամը 16-ին, Հրազդան քաղաքի Կոճոռ թաղամասից բերման է ենթարկվել 1969 թ. ծնված Հունան Ա.-ն, ով 2006 թ. հուլիսի 20-ից ՌԴ Վոլգոգրադի մարզի ՆԳՎ-ի կողմից միջպետական մակարդակով հետախուզվում էր ՌԴ քրեական օրենսգրքի 158 հոդվածի /գողություն/ 3-րդ մասի մեղադրանքով:

***
Ոստիկանության Կոտայքի բաժնի, Բյուրեղավանի բաժանմունքի ծառայողները և ոստիկանության վետերանները մարտի 16-ին, ժամը 16-ին, Սոչի-Երևան չվերթի ինքնաթիռի ժամանումից հետո «Զվարթնոց» օդանավակայանի գծային բաժնից բերման են ենթարկել 1981 թ. ծնված Ֆյոդր Ս.-ին, ով 2013 թ. փետրվարի 6-ից հետախուզվում էր ՀՀ քրեական օրենսգրքի 117 հոդվածի /դիտավորությամբ առողջությանը թեթև վնաս պատճառելը/ մեղադրանքով: