Հանդիպում Եվրոպական Միության պատվիրակության հետ (ՏԵՍԱՆՅՈՒԹ)

Սեպտեմբերի 9-ին ՀՀ ոստիկանության պետի տեղակալ, ոստիկանության գնդապետ Հովհաննես Քոչարյանն ընդունեց Եվրոպական Միության պատվիրակությանը՝ ղեկավար Կեստուտիս Լանչինսկասի գլխավորությամբ:Պատվիրակության այցի նպատակն էր Եվրոպական Միության ԹԱՅԵՔՍ ծրագրի շրջանակներում փորձագիտական ուսումնասիրություն իրականացնել ՀՀ ոստիկանության գործունեության իրավական շրջանակի, ինստիտուցիոնալ կառուցվածքի, իրականացվող բարեփոխումների կարիքները նախնական գնահատելու համար, որպեսզի հնարավոր լինի որոշել Եվրոպական Միության կողմից աջակցության առաջնային ոլորտները:Ողջունելով հյուրերին` ոստիկանության պետի տեղակալ Հովհաննես Քոչարյանը կարևորեց Եվրոպական Միության հետ ձևավորված փոխգործակցության բարձր մակարդակը և հույս հայտնեց, որ համագործակցությունն ավելի կամրապնդվի ու կզարգանա: Ոստիկանության պետի տեղակալը ներկայացրեց ՀՀ ոստիկանությունում ընթացող բարեփոխումները, որոնք ընդգրկում են տարբեր ոլորտներ՝ սկսած օրենսդրականից մինչև կառուցվածքային փոփոխությունները, հանգամանալից անդրադարձավ առաջիկայում նախատեսվող շարժական պարեկային ծառայության կազմավորման և ճանապարհային ոստիկանության բալային համակարգի ներդրման գործընթացին:Կողմերն ընդգծեցին, որ ժամանակակից մարտահրավերներին հակազդելու համատեքստում կարևոր է փորձի փոխանակումը իրավապահ մարմինների հետ՝ համակարգային բարեփոխումների, կրթական, հասարակական կարգի ապահովման և մի շարք այլ բնագավառներում: Հանդիպման ընթացքում քննարկվեցին փոխադարձ հետաքրքրություն ներկայացնող այլ հարցեր ևս: