Խանդի հողի վրա ծագած վիճաբանության ժամանակ տղամարդը դանակահարել է նախկին կնոջը

Օգոստոսի 2-ին, ժամը 00.30-ին, ոստիկանության Ստեփանավանի բաժնում հաղորդում ստացվեց, որ Յաղդան գյուղում դանակահարություն է կատարվել: Նույն օրը, ժամը 1.20-ին, հիվանդանոցից ևս հաղորդում ստացվեց, որ «կրծքավանդակի, գոտկային շրջանի ծակած, կտրած չորս չթափանցող վերքեր» ախտորոշմամբ իրենց մոտ է տեղափոխվել 1988 թ. ծնված Լուսինե Գ.-ն և հայտարարել, որ վնասվածքը ստացել է տանը`նախկին ամուսնու կողմից դանակահարվելու հետևանքով:
Ոստիկանության ծառայողների ձեռնարկած միջոցառումների արդյունքում նույն օրը, ժամը 1.10-ին, կամավոր բաժին է ներկայացել 1974 թ. ծնված Խաչիկ Խ.-ն և հայտնել, որ օգոստոսի 1-ին, ժամը 23.45-ի սահմաններում, Յաղդան գյուղում բնակվող նախկին կնոջ՝ Լուսինե Գ.-ի տանը, խանդի շուրջ ծագած վիճաբանության ժամանակ, իր մոտ եղած ծալովի դանակով մի քանի անգամ հարվածել է նրա մարմնի տարբեր մասերին՝ պատճառելով վնասվածքներ:
Հանցագործության գործիք դանակը վերցվել է:
Նշանակվել է ԴԲՓ:
Կատարվում է քննություն:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: