Խաբեությամբ գումարներ են կորզել

Հոկտեմբերի 8-ին, ժամը 18.00-ին,  ոստիկանության Մաշտոցի բաժնի ծառայողները, խարդախություն կատարելու կասկածանքով, բերման են ենթարկել 1961 թ. ծնված Հռիփսիմե Ե.-ին: Նա խոստովանել է, որ ս/թ փետրվարին իր ընկերուհու` ոմն Փեփրուհու հետ,   բնակարան ձեռք բերելու պատրվակով, 1970 թ. ծնված  Նաիրա Բ.-ի վստահությունը չարաշահելով՝  նրանից խաբեությամբ վերցրել են 70.000 դրամ:

 ***

Հոկտեմբերի 8-ին, ժամը 19.00-ին, ոստիկանության Քանաքեռ-Զեյթունի բաժին է հրավիրվել 1952 թ. ծնված Մանյա Մ.-ն և հաղորդում  տվել, որ իր ծանոթը՝ 1954 թ. ծնված Փեփրուհի Մ.-ն, ս/թ փետրվարին, կարիքավոր ընտանիքներին բաժանվելիք բնակարանի հերթում ընդգրկելու պատրվակով, իրենից մաս-մաս վերցրել է 50.000  և 17.000 դրամ` էժան գնով սննդամթերք ձեռք բերելու համար, սակայն վստահությունը չարաշահելու միջոցով, խաբեությամբ տիրացել է   գումարներին:
Հոկտեմբերի 8-ին, ժամը 19.30-ին,  Փեփրուհի Մ.-ն հրավիրվել է բաժին:
Նույն օրը, ժամը 20.00-ին, բաժին է հրավիրվել նաև 1985 թ. ծնված Սյուզետա Ղ.-ն և հաղորդում տվել, որ Փեփրուհի Մ.-ն ս/թ ապրիլին, կարիքավոր ընտանիքներին բաժանվելիք բնակարանի հերթում ընդգրկելու պատրվակով, իրենից վերցրել է 60.000 դրամ, սակայն վստահությունը չարաշահելով՝ խաբեությամբ տիրացել է գումարին:
Կատարվում է հետաքննություն: