Թունավորումներ

Նոյեմբերի 15-ին, ժամը 23.50-ին, հիվանդանոցից ոստիկանության Արագածի բաժնում հաղորդում է ստացվել, որ շտապօգնության խումբը կանչով մեկնել է Ծիլքար գյուղի տներից մեկը, որտեղ «սննդային թունավորում» ախտորոշմամբ բուժօգնություն է ցույց տրվել 1956 թ. ծնված Ձյունիկ Ա.-ին, 1989 թ. ծնված Անի Ս.-ին և 2010 թ. ծնված Ձյունիկ Ա.-ին:
Պարզել է, որ վերջիններս թունավորվել են նույն օրը, ժամը 22.00-ի սահմաններում, տանը տավարի միս ուտելու հետևանքով:
Կատարվում է հետաքննություն:

***
Նոյեմբերի 15-ին, ժամը 21.00-ին, հիվանդանոցից ոստիկանության Մարտունու բաժնում հաղորդում է ստացվել, որ «շմոլ գազի թունավորում» ախտորոշմամբ իրենց մոտ են տեղափոխվել 1990 թ. ծնված Խանում Ղ.-ն, 1968 թ. ծնված Քնարիկ Ղ.-ն, 2009 թ. ծնված Արտյոմ Ղ.-ն և 2012 թ. ծնված Լուսինե Ղ.-ն:
Պարզվել է, որ նրանք նույն օրը, ժամը 20.30-ի սահմաններում, թունավորվել են իրենց տան խոհանոցում տեղադրված գազի կաթսայից արտանետված շմոլ գազից:
Նշանակվել է ԴԲՓ:
Կատարվում է քննություն:

***
Նոյեմբերի 15-ին, ժամը 06.45-ին, հիվանդանոցից ոստիկանության Սպիտակի բաժնում հաղորդում է ստացվել, որ «գազային թունավորում» ախտորոշմամբ բուժօգնություն են ստացել 1985 թ. ծնված Սուսաննա Խ.-ն, 1983 թ. ծնված Էդվինա Խ.-ն, 1989 թ. ծնված Հասմիկ Խ.-ն և 1990 թ. ծնված Ռոզա Խ.-ն:
Պարզվել է, որ նրանք թունավորումը ստացել են նույն օրը, ժամը 6-ի սահմաններում, իրենց տան ջեռուցման վառարանի գազի արտահոսքի հետևանքով:
Նախապատրաստվում են նյութեր:

***

Նոյեմբերի 14-ին, ժամը 20.30-ին, հիվանդանոցից ոստիկանության Հրազդանի բաժնում հաղորդում է ստացվել, որ «սուր էկզոգեն թունավորում, շմոլ գազից թեթև աստիճանի» ախտորոշմամբ իրենց մոտ են տեղափոխվել 1948 թ. ծնված Մարիետա Ս.-ն, 1980 թ. ծնված Քրիստինե Ս.-ն և 2001 թ. ծնված Սլավիկ Ե.-ն
Մեկնած օպերատիվ խումբը պարզել է, որ վերջիններս թունավորումը ստացել են նույն օրը, ժամը 20.00-ի սահմաններում, իրենց տանը, ջրատաքացուցիչից գազի արտահոսքի պատճառով:
Նշանակվել է ԴԲՓ:
Հանգամանքները պարզվում են:
Նախապատրաստվում են նյութեր: