Թմրամոլության դեմ պայքարի հերթական դրվագը Գյումրիում (ՏԵՍԱՆՅՈՒԹ)

Հանրապետությունում շարունակվում է «Կանեփ-կակաչ-2019» համալիր օպերատիվ-կանխարգելիչ միջոցառումը:
Ոստիկանության ԿՀԴՊ ԳՎ թմրամիջոցների անօրինական շրջանառության դեմ պայքարի և Շիրակի մարզային վարչությունների ու Գյումրի քաղաքի Մուշի բաժնի ծառայողների համատեղ միջոցառման արդյունքում օգոստոսի 22-ին, ժամը 19.20-ին, Բուլվարային փողոցում գտնվող դպրոցի դիմացից, թմրանյութ պահելու և օգտագործելու կասկածանքով, բերման է ենթարկվել Գյումրու բնակիչ, 33-ամյա մի տղամարդ:
Նրա անձնական խուզարկությամբ գրպաններից հայտնաբերվել է 12 մլ տարողությամբ երկու ներարկիչ՝ 3,5 մլ և 4,5 մլ մուգ շագանակագույն հեղուկներով:
Նա հայտնել է, որ ներարկիչների հեղուկը պիրալգին տեսակի դեղահաբերի, բենզինի և այլ նյութերի միախառնումից ստացված թմրամիջոց է, պատրաստել է կիսաքանդ շինության մեջ՝ ներարկվելու միջոցով օգտագործելու նպատակով:
Նշանակվել է դատաքիմիական փորձաքննություն:
Նախապատրաստվում են նյութեր: