Թմրամիջոցը դեղահաբերից պատրաստել էին ներարկման միջոցով օգտագործելու նպատակով

Հուլիսի 12-ին, ժամը 21.10-ին, ոստիկանության Կումայրիի բաժնի ծառայողները Գյումրի քաղաքի Պուշկինի փողոցի տներից մեկից, թմրանյութ պահելու և օտագործելու կասկածանքով, բերման են ենթարկել 1976 թ. ծնված Արմեն Մ.-ին, 1975 թ. ծնված Արման Ա.-ին և 1973 թ. ծնված Կարեն Հ.-ին:
Զննությամբ Արմեն Մ.-ի տնից հայտնաբերվել է դեղի սրվակ, տոպրակ` սպիտակ, փոշենման զանգվածով, յոդի դատարկ 2 սրվակ, լուցկու դատարկ 8 տուփ, էմալապատ աման` 500 գ դեղնավուն հեղուկ զանգվածով, 2 տարա` 0.4 լ դեղին զանգվածով, բաժակ` 200 գ մուգ դեղնավուն, սուր հոտով զանգվածով, և չօգտագործված 1 ներարկիչ:
Արմեն Մ.-ն հայտարարել է, որ հայտնաբերվածը դեղահաբերից պատրաստել են ներարկվելու միջոցով օգտագործելու նպատակով:
Նշանակվել է դատաքիմիական փորձաքննություն:
Նախապատրաստվում են նյութեր: