Երևանի Ծովակալ Իսակովի պողոտայում և Սեբաստիայի փողոցում մեքենաներ են բախվել

Օգոստոսի 1-ին, ժամը 02.00-ին, Երևանի Ծովակալ Իսակովի պողոտայում իրար են բախվել Վաչե Գ.-ի վարած «Դեու Նեքսիա» և անհայտ վարորդի վարած «ԲՄՎ» մակնիշի ավտոմեքենաները, ինչի հետևանքով Վաչե Գ.-ն և «ԲՎՄ»-ի մեջ գտնվող Մանուկ Գ.-ն և Տիգրան Ս.-ն մարմնական վնասվածքներով տեղափոխվել են հիվանդանոց:
Նույն օրը, ժամը 13.30-ին, ՃՏՀ քննության բաժին է ներկայացել Տիգրան Ս.-ն և հայտնել, որ պատահարի պահին «ԲՄՎ»-ի ղեկին եղել է ինքը:
Կատարվում է քննություն:

***
Օգոստոսի 1-ին, ժամը 01.00-ին, Երևանի Սեբաստիայի փողոցում իրար են բախվել «Նիսսան» և «Օպել» մակնիշի ավտոմեքենաներ, ինչի հետևանքով առաջին ավտոմեքենայի ուղևորուհին մարմնական վնասվածքներով տեղափոխվել է հիվանդանոց, իսկ այդ ընթացքում վթարված «Օպել»-ին է բախվել «ՎԱԶ-21214» մակնիշի ավտոմեքենա: Վերջինիս վարորդն ու ուղևորը նույնպես վնասվածքներով տեղափոխվել են հիվանդանոց:
Կատարվում է քննություն: