ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
20.12.2011 15:49
Դեկտեմբերի 20-ին Վլադիմիր Գասպարյանն ընդունեց ՀՀ-ում ՉԺՀ արտակարգ և լիազոր դեսպան Թիան Չանչունին
2011 թ. դեկտեմբերի 20-ին ՀՀ ոստիկանության պետ, գեներալ-լեյտենանտ Վլադիմիր Գասպարյանն ընդունեց ՀՀ-ում Չինաստանի Ժողովրդական Հանրապետության արտակարգ և լիազոր դեսպան Թիան Չանչունին:
Ողջունելով բարձրաստիճան հյուրին՝ ոստիկանության պետը նշեց, որ երկու երկրների միջպետական հարաբերությունները բավական բարձր մակարդակի վրա են եւ հույս հայտնեց, որ համագործակցությունը ցանկալի արդյունքներ կտա նաեւ իրավապահ ոլորտում:Շնորհակալություն հայտնելով ջերմ ընդունելության համար՝ Թիան Չանչունը Վլադիմիր Գասպարյանին շնորհավորեց նշանակման առթիվ եւ նրան ու ոստիկանության ողջ անձնակազմին հաջողություն մաղթեց իրավապահ գործունեության մեջ:
Դեսպանն ընդգծեց, որ տպավորված է հայ ոստիկանների պրոֆեսիոնալ աշխատանքով հատկապես հասարակական կարգի պահպանման ոլորտում, ինչի շնորհիվ Հայաստանն այսօր աշխարհի ամենաապահով եւ անվտանգ երկրներից է:
Հանդիպման ընթացքում կողմերը կարեւորեցին իրավապահ ոլորտում փոխգործակցության սերտացման անհրաժեշտությունն ու ուղիները:
Քննարկվեցին փոխադարձ հետաքրքրություն ներկայացնող այլ հարցեր եւս:
