Դավթաշենի ոստիկանները գողության դեպքեր են բացահայտել (ՏԵՍԱՆՅՈՒԹ)

Սեպտեմբերի 5-ին, ժամը 18։50-ին, ոստիկանության Դավթաշենի բաժանմունքի ծառայողները, ստացված տեղեկություններն իրացնելով, գողություն կատարելու կասկածանքով, Արմավիրի մարզի Զվարթնոց գյուղից բերման են ենթարկել 55-ամյա մի տղամարդու։ Նա խոստովանական բացատրություն է տվել, որ այս տարվա ապրիլ ամսին Դավթաշենի վարչական շրջանում գողություններ է կատարել։
Այս պահին հայտնի տվյալներով՝ տարբեր օրերի տղամարդը գողացել է «ԲՄՎ» ավտոմեքենայի կողային հայելիներ, շինարարական գործիքներ, հագուստի, մթերային և բանջարեղենի երեքական խանութից տարբեր ապրանքներ։
Ձեռնարկվում են միջոցառումներ տղամարդու արարքներից տուժած անձանց հայտնաբերելու ուղղությամբ։
Նախապատրաստվում են նյութեր։