Դանակահարողը ներկայացել է ոստիկանություն

Հոկտեմբերի 6-ին, ժամը 22.20-ին, հիվանդանոցից ոստիկանության Շենգավիթի բաժնում հաղորդում է ստացվել, որ որովայնի կտրած-ծակած վերքով բուժօգնության է դիմել 39-ամյա Արայիկ Ո.-ն՝ հայտարարելով, որ Արարատի մարզի Արգավանդ գյուղի կահույքի պահեստում ամրանը վնասել է որովայնը: 
Հոկտեմբերի 7-ին Արայիկ Ո.-ն ոստիկաններին հայտնել է, որ Արտաշիսյան փողոցի թիվ 82 հասցեի մոտ, թիվ 65 երթուղու սրահում, միմյանց հրելու համար իր հետ վիճաբանել են երկու անհայտ անձինք, որոնք ձեռքերով հարվածներ են հասցրել իր դեմքին և նրանցից մեկը սուր կտրող-ծակող գործիքով հարվածել է իր որովայնին:
Ոստիկանության ծառայողների ձեռնարկած միջոցառումների շնորհիվ պարզվել է, որ Արայիկ Ո.-ին դանակով հարվածել և վնասվածքը պատճառել է նրա ծանոթը՝ 1989 թ. ծնված Վաչիկ Մ.-ն, որը հոկտեմբերի 14-ին, ժամը 18.00-ին, ներկայացել է բաժին և տվել խոստովանական բացատրություն: