Գրպանահատը հայտնաբերվեց չորս օր անց (ՏԵՍԱՆՅՈՒԹ)

Նոյեմբերի 2-ին ոստիկանության Մալաթիայի բաժնում հաղորդում էր ստացվել 43-ամյա մի կնոջից, որ ժամը 17-ի սահմաններում ավտոբուսում իր պայուսակից գողացել են դրամապանակը:
Նման հանցագործությունների բացահայտման հարցում տարածքային ստորաբաժանումները սովորաբար համագործակցում են մասնագիտացված բաժանմունքի գործընկերների հետ: Այդպես եղավ նաև այս անգամ:
Ոստիկանության Երևան քաղաքի վարչության գրպանահատության դեմ պայքարի բաժանմունքի աշխատակիցները նոյեմբերի 6-ին, ժամը 20:45-ին, մայրաքաղաքի Բաղրամյան պողոտայից ոստիկանության Մալաթիայի բաժին բերման ենթարկեցին Ամիրյան փողոցի բնակիչ 31-ամյա մի տղամարդու: Նա խոստովանեց, որ չորս առաջ թիվ 47 երթուղու ավտոբուսում ինքն է կնոջ պայուսակից գողացել դրամապանակը:
Ձեռնարկվում են միջոցառումներ գողոնը հայտնաբերելու ուղղությամբ: Նախապատրաստվում են նյութեր: