Գիշերը շենքերից մեկի բակում 3 ավտոմեքենա է թալանվել: Ընդհանուր վնասը՝ 705.000 դրամ

Մարտի 11-ին ոստիկանության Արաբկիրի բաժնում հաղորդում է ստացվել, որ գիշերը Ա. Ավետիսյան փողոցի 67 շենքի բակում կայանված երեք ավտոմեքենաներից գողություններ են կատարվել:
Մեկնած օպերատիվ խումբը պարզել է, որ ժամը 03.00-ից 09.00-ն ընկած ժամանակահատվածում, տեխնիկական միջոցների գործադրմամբ դռան ապակին կոտրելով, Ա. Ավետիսյան փողոցի 67 շենքի բակում կայանված Լևոն Ա.-ի «Օպել Աստրա»-ից գողացել են գազի բալոնը, 2 բարձրացուցիչ, 45.000 դրամ, հետևի լուսարձակները և էլեկտրական մարտկոցը` պատճառելով 365.000 դրամի վնաս, Արմեն Հ.-ի «Օպել»-ից` լուսարձակները, գազի բալոնը և բջջային հեռախոս` պատճառելով 190.000 դրամի վնաս, իսկ 1981 թ. ծնված Արմեն Պ.-ի «Օպել Աստրա»-ից` գազի բալոնը և մարտկոցը` պատճառելով 150.000 դրամի վնաս:
Կատարվում է հետաքննություն: