Գիշերային գողին հայտնաբերեցին

Փետրվարի 5-ին, ժամը 10.05-ին, ոստիկանության Երևան քաղաքի վարչության օպերատիվ կառավարման կետրոն է զանգահարել 1990 թ. ծնված Հայկ Մ.-ն և հայտնել, որ իրենց շենքի բակում կայանված իր և իր ավտոմեքենայի կողքին կայանված ավտոմեքենաները թալանել են:
Պարզվել է, որ գիշերը Հայկ Մ.-ի «ՎԱԶ-21063» մակնիշի ավտոմեքենայի փոքր պատուհանը բացելով՝ սրահից գողացել «Սոնի» ձայնարկիչ, 2 նվագարկիչ, 1.000 դրամ, օծանելիք և փոխանցման տուփի մոտ տեղադրված պլաստմասե պաշտպանիչ` պատճառելով 50.000 դրամի նյութական վնաս:
Մեկնած օպերատիվ խումբը պարզել էր, որ նույն բակում կայանված, 1983 թ. ծնված Սասուն Ա.-ին պատկանող «ՎԱԶ-2101» մակնիշի ավտոմեքենայից գողացել են 1.000 դրամ, օծանելիք և դանակ, որից հետո բացելով շարժիչի ծածկոցը և տեսնելով, որ մարտկոցը բացակայում է` հեռացել են:
Ձեռնարկված միջոցառումների շնորհիվ, նույն օրը, ժամը 17.50-ին, բաժին բերման է ենթարկվել 1989 թ. ծնված Վազգեն Գ.-ն և տվել խոստովանական բացատրություն:
Գողոնը հայտնաբերվել և վերցվել է ապրանքագիտական փորձաքննության ներկայացնելու համար:
Կատարվում է հետաքննություն: