Գազի բալոնների գողություններ են բացահայտվել

Հուլիսի 31-ին, ժամը 06.45-ին, ոստիկանություն է զանգահարել Աբովյան քաղաքի Սարալանջ թաղամասի մի բնակիչ և հայտնել, որ գողացել են բակում կայանված իր «Նիսան Տիդայի», նաև կողքը կանգնած մեկ այլ՝ նույն մակնիշի մեքենայի գազի բալոնները:
ժամը 07.45-ին բաժին է զանգահարել նույն թաղամասի մեկ այլ բնակիչ և հայտնել, որ գողացել են իր մեքենայի գազի բալոնը:
Կոտայքի քրեական հետախույզների ստացած տեղեկություններն իրացնելիս, նույն օրը, ժամը 11.35-ին, գողություն կատարելու կասկածանքով, Երևանի Շիրազի փողոցի իր բնակարանից բաժին բերման է ենթարկվել 31-ամյա մի տղամարդ: Նա տվել է խոստովանական բացատրություն:
Հետագա գործողությունների արդյունքում կասկածյալը խոստովանական բացատրություն է տվել, որ մոտ երկու ամիս առաջ Կոտայքի մարզի Ջրվեժ գյուղի վերջնամասում «Միցուբիշի» մակնիշի ավտոմեքենայի ապակին կոտրել ու բեռնախցիկից գողացել է գազի բալոնը:
Ձեռնարկվում են միջոցառումներ գողոնը և տուժողին հայտնաբերելու ուղղությամբ:
Նախապատրաստվում են նյութեր: