Բնակարանագողին հայտնաբերեցին

Հունիսի 11-ին, ժամը 13.30-ին, ՌԴ քաղաքացի, 1956 թ. ծնված Լյուդմիլա Հ.-ն ոստիկանության Կումայրիի բաժնում հաղորդում էր տվել, որ 2003 թ. սեպտեմբերի 10-ից մինչև ս/թ. հունիսի 10-ն ընկած ժամանակահատվածում, օգտվելով տնից իր բացակայության հանգամանքից, ննջասենյակի պատուհանի ճաղավանդակը պոկելով և պատուհանը բացելով` գողացել են գորգ, սառնարան, անկողնային պարագաներ և այլ տնտեսական ապրանքներ:
Ձեռնարկված օպերատիվ-հետախուզական միջոցառումների շնորհիվ պարզվել է, որ նշված գողությունը կատարել է 1972 թ. ծնված, նախկինում դատված Կարապետ Կ.-ն:
Ըստ Կարապետ Կ.-ի հայտարարության` գողոնը մասամբ գտնվում է իր տանը:
Կատարվում է նախաքննություն: