Բերման ենթարկվածը տվել է խոստովանական բացատրություն

Մայիսի 14-ին, ժամը 15.40-ին, ոստիկանության Արաբկիրի բաժին է զանգահարել 25-ամյա մի քաղաքացուհի և հայտնել, որ նույն օրը, ժամը 15.10-ից 15.35-ն ընկած ժամանակահատվածում, թիվ 2 երթուղու միկրոավտոբուսի սրահում պայուսակից գողացել են դրամապանակը, որի մեջ եղել է գումար, բանկային քարտ և անցագիր:
Պարզվել է, որ նույն օրը, ժամը 16.10-ին, մեկ այլ քաղաքացուհի Բաղրամյան պողոտայից գտել է նշված դրամապանակը և վերադարձրել, որի միջից բացակայել է գումարը:
Ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, օպերատիվ տվյալները իրացնելով, նույն օրը, ժամը 20.50-ին, Կասյան փողոցից, գողությունը կատարելու կասկածանքով, Արաբկիրի բաժին բերման են ենթարկել 1993 թ. ծնված Գուրգեն Ս.-ին, որը տվել է խոստովանական բացատրություն:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: