Վիճաբանություն Բերդում

Մարտի 11-ին, ժամը 23.30-ին, հիվանդանոցից ոստիկանության Տավուշի բաժին հաղորդում է ստացվել, որ «կրծքավանդակի և որովայնի ձախ կեսի բազմաթիվ կտրած-ծակած վերքեր, ձախ ակնակապճի շրջանի սալջարդ, ձախ հոնքի շրջանի պատռված վերք» վնասվածքներով բուժօգնության է տեղափոխվել 1980 թ. ծնված Արթուր Ա.-ն:
Մեկնած օպերատիվ խումբը պարզել է, որ նույն օրը, ժամը 22.30-ի սահմաններում, Բերդ քաղաքի Մաշտոցի փողոցի 21 շենքի մոտ Արթուր Ա.-ի և 1983 թ. ծնված Էդվարդ Ք.-ի միջև ծագած վիճաբանության և ծեծկռտուքի ժամանակ Էդվարդ Ք.-ն ձեռքերով և դանակով հարվածներ է հասցրել Արթուր Ա.-ին և պատճառել վնասվածքներ, աջ ձեռքի շրջանում վնասվածք է ստացել նաև ինքը:
Դեպքի հանգամանքները պարզվում են:
Նշանակվել է ԴԲՓ:
Կատարվում է քննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: