Բացատրական աշխատանքի արդյունքում հետախուզվողները կամավոր ներկայացան ոտիկանություն

Ոստիկանության Շենգավիթի բաժնի ծառայողների բացատրական աշխատանքների շնորհիվ հունվարի 29-ին, ժամը 17.20-ին, Կիև-Երևան չվերթի ինքնաթիռի ժամանումից հետո կամավոր ոստիկանության Շենգավիթի բաժին է ներկայացել 39-ամյա Լևոն Ա.-ն, որը 2012թ. հուլիսի 12-ից հետախուզվում էր քրեական օրենսգրքիի 268 հոդվածի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) 2-րդ մասի 2-րդ կետի մեղադրանքով:

***

Ոստիկանության Նոր Նորքի բաժնի ՔՀԲ ծառայողների բացատրական աշխատանքների շնորհիվ հունվարի 29-ին, ժամը 02.16-ին, Դոհա-Երևան չվերթով Հայաստան ժամանելուց հետո «Զվարթնոց» օդանավակայանի ժամանման սրահից կամավոր ոստիկանության Նոր Նորքի բաժին է ներկայացել 30-ամյա Արթուր Ե.-ն, որը 2017թ. մայիսի 6-ից հետախուզվում էր քրեական օրենսգրքի 258 հոդվածի (Խուլիգանությունը) 3-րդ մասի 1-ին կետի մեղադրանքով:

***

Ոստիկանության քրեական հետախուզության գլխավոր վարչության, Էրեբունու և Նաիրիի բաժինների ծառայողների համատեղ տարված բացատրական աշխատանքների արդյունքում, ՔՀԳՎ օպերատիվ խմբին ՌԴ Մոսկվա քաղաքում կամավոր ներկայացել և հունվարի 29-ին, ժամը 15.30-ին, Մոսկվա-Երևան չվերթի ինքնաթիռով Հայաստան է տեղափոխվել 50-ամյա Հովհաննես Կ.-ն, որը 2014թ. հուլիսի 2-ից ոստիկանության Էրեբունու բաժնի կողմից հետախուզվում էր քրեական օրենսգրքի 193 հոդվածի (Կանխամտածված սնանկությունը) մեղադրանքով պատժի կրումից խուսափելու համար:

***

Ոստիկանության քրեական հետախուզության գլխավոր վարչության, Էրեբունու և Նաիրիի բաժինների ծառայողների համատեղ տարված բացատրական աշխատանքների արդյունքում, ՔՀԳՎ օպերատիվ խմբին ՌԴ Մոսկվա քաղաքում կամավոր ներկայացել և հունվարի 29-ին, ժամը 15.30-ին, Մոսկվա-Երևան չվերթի ինքնաթիռով Հայաստան է տեղափոխվել 35-ամյա Վահան Ս.-ն, որը 2018թ. հունիսի 11-ից ոստիկանության Նաիրիի բաժնի կողմից հետախուզվում էր քրեական օրենսգրքի 112 հոդվածի (Դիտավորությամբ առողջությանը ծանր վնաս պատճառելը) 1-ին մասի մեղադրանքով: