Թիվ 8 երթուղու միկրոավտոբուսում կատարված գողությունը բացահայտվեց

Նոյեմբերի 22-ին, ժամը 11.15-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները, ստացված օպերատիվ տվյալներն իրացնելիս, գողություն կատարելու կասկածանքով, ոստիկանության Արաբկիրի բաժին բերման են ենթարկել 1987 թ. ծնված Լևոն Ա.-ին:
Պարզվել է, որ Լևոն Ա.-ն նոյեմբերի 21-ին, ժամը 17.30-ից 17.40-ն ընկած ժամանակահատվածում, թիվ 8 երթուղու միկրոավտոբուսի սրահում անհայտ քաղաքացու պայուսակից գողացել է դրամապանակ, որի մեջ եղել է գումար, բանկային, զեղչի ու կուտակային քարտեր:
Գողոնն առգրավվել է:
Պարզվել է, որ Լևոն Ա.-ն գողացել է 1994 թ. ծնված Սոֆի Ի.-ի դրամապանակը:
Նախապատրաստվում են նյութեր:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: