Բացահայտվել են «Մերսեդեսի» կողային հայելիների գողության նոր դրվագներ

Նոյեմբերի 25-ին Քանաքեռ-Զեյթունի քրեական հետախույզները գողություն կատարելու համար բերման էին ենթարկել 23-ամյա մի երիտասարդի: Ձեռնարկված հետագա միջոցառումների շնորհիվ պարզվել է, որ նա նոյեմբերի 21-ի գիշերը գողացել է Ռուբինյանց և Ուլնեցու փողոցներում կայանված երկու «Մերսեդեսի», նոյեմբերի 23-ի գիշերը՝ Յան Ռայնիսի փողոցի շենքերից մեկի բակում կայանված «Մերսեդեսի» կողային հայելիները:
Նոյեմբերի 24-ի գիշերը նա փորձել է գողանալ Մ. Ավետիսյան փողոցի մի շենքի բակում կայանված «Մերսեդեսի» կողային հայելիները, սակայն իր կամքից անկախ՝ գողությունը ավարտին չի հասցրել և ոչինչ չգողանալով՝ հեռացել է:
Պարզվել է նաև, որ նոյեմբերի 15-ի գիշերը երիտասարդը գողացել է Ուլնեցու փողոցի շենքերից մեկի բակում կայանված «Նիվայի» կողային հայելիները:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: