Արտաշատի ոստիկանների բացահայտումը

Հուլիսի 24-ին, ժամը 14.30-ին, ստացած օպերատիվ տվյալներն իրացնելիս, Արտաշատի քրեական հետախույզները, գողություն կատարելու կասկածանքով, իրենց տնից բերման են ենթարկել 16-ամյա երկու պատանու: Երրորդ 16-ամյա պատանին բացատրական աշխատանքի շնորհիվ, ինքնակամ է ներկայացել բաժին:
Պարզվել է, որ փետրվարի 5-ից 10-ն ընկած ժամանակահատվածում, տեխնիկական միջոցների գործադրմամբ, նրանք կոտրել են Արարատի մարզի Ոստան գյուղում գտնվող մի ՍՊԸ պատուհանի փականը և գողացել էլեկտրական հորատիչ (պերֆերատոր)՝ պատճառելով մոտ 170 հազար դրամի վնաս:
Պարզվել է նաև, որ հունվար-փետրվար ամիսներին պատանիները մի քանի անգամ մուտք են գործել Արտաշատի Այվազովսկու փողոցում գտնվող մի ՍՊԸ տարածք և գողացել հոսանքի կայունացնող սարք, էլեկտրական պարագաներ, պղնձե և այլումինե դետալներ՝ պատճառելով մոտ 600 հազար դրամի վնաս:
Ձեռնարկվում են միջոցառումներ գողոնը հայտնաբերելու ուղղությամբ:
Նախապատրաստվում են նյութեր: