Ապարանի ոստիկանները մեքենայից կատարված գողության դեպք են բացահայտել (ՏԵՍԱՆՅՈՒԹ)

Սեպտեմբերի 25-ին ոստիկանության Ապարանի բաժնում գողության դեպք արձանագրվեց։ Քաղաքի կենտրոնական փողոցում կայանված մեքենաներից մեկի բեռնախցիկը բացել ու տարբեր իրերով մարզական պայուսակ էին հափշտակել։
Ապարանի քրեական հետախույզները, օրեր տևված օպերատիվ միջոցառումների շնորհիվ, պարզեցին գողությունը կատարելու մեջ կասկածվող անձի ինքնությունը։ Հոկտեմբերի 1-ին Վանաձորի 44-ամյա բնակիչը հայտնաբերվեց ու բերման ենթարկվեց ոստիկանության Ապարանի բաժին։
Ձեռնարկվում են միջոցառումներ գողոնը հայտնաբերելու ուղղությամբ։
Նախապատրաստվում են նյութեր։