Ախուրյանի ոստիկանները կասկածանքով երեք տղամարդու են բերման ենթարկել

Հունիսի 17-ին ոստիկանության Ախուրյանի բաժնում տեղեկություններ են ստացվել, որ Գյումրիի 43-ամյա մի բնակիչ ապօրինի թմրամիջոց է պահում, պատրաստում և օգտագործում:
«Հետախուզում-2019» օպերատիվ-կանխարգելիչ միջոցառման շրջանակներում նույն օրը, ժամը 18.50-ին, ապօրինի թմամիջոց պատրաստելու, պահելու և գործածելու կասկածանքով, ոստիկանության Ախուրյանի բաժնի ծառայողները Մայիսյան գյուղի վարչական տարածքում գտնվող դաշտից բերման են ենթարկել գյումրեցի երեք տղամարդու:
Նշված տարածքի զննությամբ հայտնաբերվել և առգրավվել են 6 պլաստմասսե տարաներ, որից երկուսը մասամբ կտրված վիճակում, որոնց մեջ առկա է տարբեր քանակի յուրահատուկ հոտով հեղուկ, պոլիէթիլենային 1 տոպրակ, որի մեջ առկա են «Պիրալգին» գրառմամբ դեղահաբերի դատարկ տուփեր, լուցկու դատարկ տուփեր, բամբակ, 5 դատարկ ներարկիչ և 6 օգտագործված ներարկիչ, որոնցից մեկում 2 մլ սև գույնի հեղուկով, 2 հատ սուրճի բաժակներ՝ սև նստվածքով, 1 քամիչ՝ ցանցի վրա սև հետքերով, թղթե տոպրակ՝ լցված սպիտակ զանգվածով, մետաղյա տարա՝ լցված ջրով, 2 սրիչ, չոր-սպիրտ գրառմամբ տուփ և սոդա գրառմամբ թղթե տուփ:
Հայտնաբերվածի կապակցությամբ բերման ենթարկվածներից 43-ամյա տղամարդը հայտնել է, որ պատկանում է իրեն, թմրանյութի պատրաստման համար անհրաժեշտ պարագաներ են, թմրանյութը պատրաստել է անձամբ ներարկման միջոցով օգտագործելու համար:
Նշանակվել է համալիր դատաքիմիական փորձաքննություններ:
Նախապատրաստվում են նյութեր:

***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: