«Ֆոլքսվագեն Տուառեգ»-ի ձայնաազդանշանային համակարգը միանալուց հետո դիմել են փախուստի

Ապրիլի 11-ին, ժամը 23.55-ին, ոստիկանության Արաբկիրի բաժնում հաղորդում է ստացվել, որ Տիգրանյան փողոցի 7 շենքի բակում մեքենայի գող են բռնել, կռվում են, և վնասել են հարևանի տղային:
Մեկնած օպերատիվ խումբը պարզել է, որ 1989 թ. ծնված Աշոտ Պ.-ն և 1983 թ. ծնված Աշոտ Ա.-ն տեխնիկական միջոցների գործադրմամբ գողացել են նշված շենքի բակում կայանված «Ֆոլքսվագեն Տուառեգ» մակնիշի ավտոմեքենայի` 680.000 դրամ արժողությամբ առջևի աջ լուսարձակը, և ձայնաազդանշանային համակարգը միանալուց հետո դիմել են փախուստի:
Ապրիլի 12-ին, ժամը 00.15-ին, ոստիկանության ծառայողները հայտնաբերել և բերման են ենթարկել Աշոտ Պ.-ին: Խուզարկությամբ նրա մոտ հայտնաբերվել է օգտագործված ներարկիչ` արնանման հետքերով:
Նշանակվել է դատաքիմիական փորձաքննություն:
Ձեռնարկվում են միջոցառումներ մյուս հանցակցին և գողոնը հայտնաբերելու ուղղությամբ:
Կատարվում է հետաքննություն: