«ՈւԱԶ»-ը հետընթացի ժամանակ ավտոմեքենա է վնասել. վարորդները վիճաբանել են

Սեպտեմբերի 28-ին, ժամը 15.00-ին, 1977 թ. ծնված Վահագն Զ.-ն ոստիկանության Դիլիջանի բաժնում հաղորդում է տվել, որ նույն օրը, ժամը 14.50-ի սահմաններում, իրեն անծանոթ մի քաղաքացի Դիլիջանի բժշկական կենտրոնի բակում «ՈւԱԶ» մակնիշի ավտոմեքենայով հետընթաց կատարելիս վնասել է իր «ՎԱԶ-2106» մակնիշի ավտոմեքենան, ինչի կապակցությամբ առաջացած վիճաբանության ընթացքում «ՈւԱԶ»-ի վարորդը ձեռքերով և ոտքերով հարվածել է իրեն` պատճառելով վնասվածքներ:
Ձեռնարկված միջոցառումների շնորհիվ պարզվել է, որ Վահագն Զ.-ին վնասվածքները պատճառել է 1991 թ. ծնված Գրիգոր Խ.-ն:
Նշանակվել է դատաբժշկական փորձաքննություն:
Կատարվում է հետաքննություն: