Գլխավոր էջ ՄԻԳՐԱՑԻԱ ՌԴ օրենսդրություն

 

Ընդունման օր` 19.12.2003    

                      

    Հայաստանի Հանրապետության կառավարության և Ռուսաստանի Դաշնության կառավարության միջև կամավոր վերաբնակեցման գործընթացի կարգավորման մասին 1997 թ. օգոստոսի 29-ին Մոսկվա քաղաքում ստորագրված Համաձայնագրի (այսուհետ` Համաձայնագիր) իրականացման համար պայմաններ ստեղծելու նպատակով Հայաստանի Հանրապետության կառավարությանն առընթեր միգրացիայի և փախստականների վարչությունը և Ռուսաստանի Դաշնության ներքին գործերի նախարարությունը (այսուհետ` լիազորված մարմիններ), Համաձայնագրի 10-րդ հոդվածի համապատասխան լիազորված լինելով իրականացնել Հայաստանի Հանրապետությունից Ռուսաստանի Դաշնություն և Ռուսաստանի Դաշնությունից Հայաստանի Հանրապետություն անձանց վերաբնակեցումը և Համաձայնագրի կատարման վերահսկումը` համաձայնեցին ներքոհիշյալի մասին.

 

Պայմանագրով սահմանված պայմաններով Ռուսաստանի Դաշնությունից Հայաստանի Հանրապետություն մշտական բնակության տեղափոխվելու ցանկություն ունեցող Հայաստանի Հանրապետության քաղաքացիները, կամ Հայաստանի Հանրապետությունից Ռուսաստանի Դաշնություն մշտական բնակության տեղափոխվելու ցանկություն ունեցող Ռուսաստանի Դաշնություն քաղաքացիները սույն Արձանագրության 1 - ին և 3 - րդ հավելվածներով սահմանված ձևի միջնորդագրով (այսուհետ` միջնորդագիր) դիմում են համապատասխան լիազորված մարմիններին /նրանց ներկայացուցիչներին/, կամ ելքի պետության տարածքում գտնվող մուտքի պետության դիվանագիտական ներկայացուցչություններին. 

ա) Ռուսաստանի Դաշնությունում մշտապես բնակվող Հայաստանի Հանրապետության քաղաքացիները` Ռուսաստանի Դաշնությունում Հայաստանի Հանրապետության դիվանագիտական ներկայացուցչություններին /հյուպատոսական հիմնարկներին/,

բ) Հայաստանի Հանրապետությունում մշտապես բնակվող Ռուսաստանի Դաշնության քաղաքացիները` Ռուսաստանի Դաշնության ներքին գործերի նախարարության ներկայացուցչությանը:

 

 

1. Մուտքի պետության լիազորված մարմինը /նրա ներկայացուցչությունը/ կամ ելքի պետության տարածքում գտնվող մուտքի պետության դիվանագիտական ներկայացուցչությունը /հյուպատոսական հիմնարկը/ 30 օրյա ժամկետում իրականացնում է միջնորդագրի գրանցումն ու Համաձայնագրի պայմաններին համապատասխանության ստուգումը: Լրացուցիչ ստուգման անհրաժեշտության դեպքում այդ ժամկետը կարող է երկարացվել, բայց ոչ ավելի քան 30 օրով:

2. Ստուգման ավարտից հետո մուտքի պետության լիազորված մարմինը /նրա ներկայացուցչությունը/ կամ ելքի պետության տարածքում գտնվող մուտքի պետության դիվանագիտական ներկայացուցչությունը /հյուպատոսական հիմնարկը/ համաձայնեցման նպատակով միջնորդագիրը 7 օրյա ժամկետում փոխանցում է ելքի պետության լիազորված մարմնին:

 

 

1. Ելքի պետության լիազորված մարմինը, 30 օրյա ժամկետում քննարկելով միջնորդագիրը նրանում կատարում է ելքին խոչընդոտող հանգամանքների առկայության կամ բացակայության մասին, նշում և այն 7 օրյա ժամկետում ուղարկում է մուտքի պետության լիազորված մարմնին, կամ ելքի պետության տարածքում գտնվող նրա ներկայացուցչությանը: Լրացուցիչ ստուգման անհրաժեշտության դեպքում այդ ժամկետը կարող է երկարացվել, բայց ոչ ավելի քան 30 օրով:

2. Ելքը խոչընդոտող հանգամանքների բացակայության դեպքում մուտքի պետության լիազորված մարմինը, կամ ելքի պետության տարածքում գտնվող նրա ներկայացուցչությունը 7 օրյա ժամկետում միջնորդագրով դիմած անձին տալիս է սույն Արձանագրության 2 - րդ և 4 - րդ հավելվածներով սահմանված ձևի տեղափոխման /վերաբնակման/ թույլտվություն:

3. Տեղափոխության /վերաբնակման/ թույլտվությունն ուժի մեջ է երեք տարի:

4. Տեղափոխության /վերաբնակման/ թույլտվության մերժման դեպքում քաղաքացիներն իրավունք ունեն ներկայացնել միջնորդագիր` կրկնակի քննարկման համար, բայց ոչ շուտ քան առաջին անգամ դիմելուց 6 ամիս անց: 

5. Լիազորված մարմնինները կես տարին մեկ իրականացնում են տեղափոխության /վերաբնակման/ թույլտվություն ստացած անձանց վերաբերյալ տեղեկատվության փոխանակում: 

 

 

Տեղափոխության /վերաբնակման/ թույլտվությունը փաստաթուղթ է, որն ընդունվում է երկու պետությունների տարածքներում պաշտոնատար անձնաց, պետական իշխանության և տեղական ինքնակառավարման մարմինների, ինչպես նաև իրավաբանական անձանց կողմից` անկախ նրանց կազմակերպչաիրավական կարգավիճակից: 

 

 

Լիազորված մարմնիններն տեղափոխության /վերաբնակման/ թույլտվություն տալու հետ կապված միմյանց միջև ֆինանսական հաշվարկներ չեն կատարում:

 

 

Տեղափոխության /վերաբնակման/ թույլտվություն ստացած անձն ունի Համաձայնագրով նախատեսված իրավունքներ և արտոնություններ: 

 

 

1. Համաձայնագրի կատարման հետ կապված և սույն Արձանագրությամբ չնախատեսված վիճահարույց հարցերը լուծվում են լիազորված մարմնինների կողմից խորհրդակցությունների և բանակցությունների ուղիով:

2. Սույն Արձանագրության մեջ փոփոխություններ և լրացումներ կատարվում են լիազորված մարմինների համաձայնությամբ և ձևակերպվում են արձանագրություններով, որոնք հանդիսանում են սույն Արձանագրության անբաժանելի մասերը:

 

 

1. Սույն Արձանագրությունը ուժի մեջ է մտնում ստորագրման օրվանից և գործում է ընդհուպ մինչև Համաձայնագրի գործողության դադարեցումը:

2. Համաձայնագրի գործողության դադարեցումից հետո Համաձայնագրի դրույթներին և սույն Արձանագրությանը համապատասխան տրված տեղափոխության /վերաբնակման/ թույլտվությունները մնում են վավեր` նրանց գործողության ամբողջ ժամկետի ընթացքում:

 

Կատարված է Մոսկվա քաղաքում 2003 թ. դեկտեմբերի 19-ին, երկու բնօրինակից, յուրաքանչյուրը հայերեն և ռուսերեն լեզուներով, ընդ որում`

երկու տեքստերն էլ հավասարազոր են: