Պաշտոնական Հայտարարություն Ուշադրություն Լրահոս Պարզաբանում Ձերբակալվածներին պահելու վայրեր Հանրաքվե Ընտրություններ Ի գիտություն լրագրողների
Ամփոփ տեղեկություններ Այցելություններ Ընդունելություններ Միջոցառումներ ԵԱՀԿ-ՀՀ ոստիկանություն Համագործակցության պատմություն
Օրենսգրքեր Օրենքներ ՀՀ Նախագահի հրամանագրեր, կարգադրություններ ՀՀ կառավարության որոշումներ ՀՀ վարչապետի որոշումներ ՀՀ ոստիկանության պետի հրամաններ Ուղեցույցներ Ոստիկանության ներքին իրավական ակտեր Նախագծեր Հանրային քննարկումներ
Եռամսյակ Կիսամյակ Տարի
Սպանություն Անհայտ կորածի հայտնաբերում Սպանության փորձ Մարմնական վնասվածք մահվան ելքով Մարմնական վնասվածք Ավազակային հարձակում Կողոպուտ Գողություն Խարդախություն Խուլիգանություն Թմրամիջոցի հայտնաբերում Ապօրինի ծառահատում Որսագողություն Հայտարարվել է հետախուզում Հետախուզվողի հայտնաբերում Զենք-զինամթերքի կամավոր հանձնում Զենք-զինամթերքի հայտնաբերում Անհայտ կորած Անձի առևանգում Դիակի հայտնաբերում Յուրացում կամ վատնում Շորթում Թունավորում ԱՄՏ-ի փախցնել Հրդեհ Պայթյուն և վթար Պաշտոնեական լիազորությունների չարաշահում Պաշտոնեական կեղծիք կամ անփութություն Ապօրինի կամ կեղծ ձեռնարկատիրություն Գույքի դիտավորությամբ ոչնչացում Մարդկանց առևտուր կամ սեռական շահագործում Բռնաբարություն կամ բռնաբարության փորձ Կավատություն Կաշառակերություն Մաքսանենգություն Դրամանենգություն Ընտրական իրավունքի խախտում Համակարգչային հանցագործություն Բռնություն իշխանության ներկայացուցչի նկատմամբ Օդային և երկաթուղային վթար Դեպքեր սահմանային գոտում Փախուստ ՁՊՎ-ից Ինքնասպանություն կամ ինքնասպանության փորձ Փախուստ ՔԿՀ-ից, ՔՄ-ից Այլ հանցագործություններ Վիճակագրական տվյալներ
Հետախուզվում են
Համարանիշերի ցանկ

ԿԱՅՔԻ ՔԱՐՏԵԶ

ԹԵԺ ԳԻԾ

ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ




Առօրյա կյանքում քիչ չեն դեպքերը, երբ առաջին հայացքից «անմեղ» թվացող իրավիճակները մեր սխալների կամ ոչ համարժեք ընկալումների հետեւանքով կարող են վերաճել անցանկալի միջադեպերի: Բացի այդ` մեր ժամանակներում մարդիկ ստիպված են մշտապես բախվել այնպիսի երեւույթների հետ, ինչպիսիք են հանցավորությունը, ահաբեկչությունը, չափից ավելի ագրեսիան, տեխնածին ու բնական աղետները եւ այլն: Ժամանակակից մարդուն նետված այդ մարտահրավերներին դիմակայելու  համար անհրաժեշտ է տիրապետել համապատասխան «մարտավարության»: Ստորեւ կներկայացնենք մի քանի պարզ խորհուրդներ, որոնք, կարծում ենք, կօգնեն ձեր կյանքը դարձնել առավել անվտանգ ու ապահով:

Մեծ բնակավայրերը, մարդաշատ վայրերը առավել վտանգաշատ են: Քաղաքներում հատկապես նկատելի են բարքերի հակասություններ. քաղաքակիրթ կյանքի կողքին կարելի է հանդիպել նաեւ «կիսաբարբարոս» երեւույթների: Խոշոր քաղաքները իրենց են ձգում հանցավոր տարրերին. այստեղ նյութական արժեքներն ամենուր են, բացի այդ, փողերի հոսքն ու շրջանառությունն ավելի «առատ» է: Եվ ուրեմն, ինչպիսի վարք դրսեւորել, որպեսզի հանցանքի զոհ չդառնալ:

Եթե ձեր կամքից անկախ, այնուամենայնիվ, հանցագործի հետ հանդիպել եք դեմ առ դեմ, ապա խուսափեք ագրեսիվ վարք դրսեւորելուց, եթե համոզված չեք, որ կարող եք առանց «կորուստների» պաշտպանել ձեր անվտանգությունը: Որքան էլ անցանկալի հնչի, բայց երբեմն սեփական կյանքն ու առողջությունը չվտանգելու լավագույն միջոցը չդիմադրելն է: Շատ քրեաբաններ ու փորձագետներ նույնիսկ նշում են, որ հարձակման ենթարկվածը չտուժելու ավելի մեծ շանսեր է ունենում, երբ բացահայտ ընդունում է հանցագործի առավելություններն ու իշխանությունն իր վրա: Իհարկե, ինքնապաշտպանական բնազդը շատերին է դրդում հակառակ կերպ վարվել, սակայն մասնագետները նման իրավիճակների համար խուրհուրդ են տալիս առաջնորդվել բանականությամբ եւ նախքան որեւէ քայլ ձեռնարկելը` «ծանրութեթեւ» անել ու կանխատեսել հնարավոր հետեւանքները:

 Եվ այսպես, քաղաքում.

-խուսափեք սակավամարդ եւ ոչ բավարար լուսավորությամբ վայրերում միայնակ զբոսնելուց,

-գիշերային ժամերին հնարավորության դեպքում խուսափեք տեղափոխություններից, իսկ անհրաժեշտության դեպքում օգտվեք տաքսիներից,

-եթե ձեզ խմբված երիտասարդներն անտեղի կոպիտ դիտողություն են անում կամ ծաղրում ինչ-ինչ անհիմն պատճառաբանությամբ, ապա ամենայն հավանականությամբ դա խայծ է, որին հաստատ չարժե պատասխան տալ,

-աշխատեք չերթեւեկել անծանոթ մեքենաներով, խուսափեք ճանապարհին մեքենա կանգնեցնելուց, ավելի անվտանգ ու ձեռնտու է օգտվել օրինական տաքսիներից, որոնց կարող եք տարբերակել դեղին համարանիշերով եւ թափքին առկա տվյալ ծառայության անվան գրությամբ,

-աշխատեք ձեր փողերն այնպես պահել, որ տեսանելի չլինեն բոլորին,

-փողոց դուրս գալիս պարտադիր չէ զարդարվել թանկարժեք շղթաներով ու ամենատարբեր պարագաներով,

-մի բեռնավորեք ձեզ պայուսակներով, տոպրակներով ու փաթեթներով, աշխատեք, որ ձեր մի ձեռքն ազատ լինի,

-եթե նկատում եք, որ ձեզ հետապնդում են, ապա այդ մասին տեղյակ պահեք առաջին իսկ հանդիպած ոստիկանին, իսկ եթե մոտակայքում ոստիկան չկա, փորձեք օգնություն խնդրել անցորդներից,

-գիշերային հետապնդման դեպքում ցանկալի է թակել առաջին իսկ պատահած դուռը,

-եթե որեւէ մեկը ձեզնից խորհուրդ է հարցնում, ապա պատասխանեք հակիրճ եւ խուսափեք նրան ուղեկցելուց,

-գիշերային ժամերին դատարկ ավտոբուսով երթեւեկելիս առավել անվտանգ է վարորդին մոտ նստել,

շուկաներում, տոնավաճառներում եւ մարդաշատ այլ վայրերում առավել զգոն եղեք, քանի որ դրանք գրպանահատների սիրելի վայրերն են,

-բանկերից, խանութներից կամ այլ հաստատություններից (որտեղ գումարային գործարքներ եք կատարել) դուրս գալուց առաջ պահեք գումարը եւ ոչ մի դեպքում այն դրամապանակի մեջ մի տեղավորեք փողոցում,

-եթե բանկոմատներից օգտվելիս կասկածելի ինչ-որ բան եք նկատում, հրաժարվեք գործարքը շարունակելուց,

-եթե փողոցում կրակոցների ականատես եք լինում, ապա անմիջապես պառկեք գետնին, թաքնվեք պատերի ետեւում: