Պաշտոնական Հայտարարություն Ուշադրություն Լրահոս Պարզաբանում Ձերբակալվածներին պահելու վայրեր Հանրաքվե Ընտրություններ Ի գիտություն լրագրողների
Ամփոփ տեղեկություններ Այցելություններ Ընդունելություններ Միջոցառումներ ԵԱՀԿ-ՀՀ ոստիկանություն Համագործակցության պատմություն
Օրենսգրքեր Օրենքներ ՀՀ Նախագահի հրամանագրեր, կարգադրություններ ՀՀ կառավարության որոշումներ ՀՀ վարչապետի որոշումներ ՀՀ ոստիկանության պետի հրամաններ Ուղեցույցներ Ոստիկանության ներքին իրավական ակտեր Նախագծեր Հանրային քննարկումներ
Սպանություն Անհայտ կորածի հայտնաբերում Սպանության փորձ Մարմնական վնասվածք մահվան ելքով Մարմնական վնասվածք Ավազակային հարձակում Կողոպուտ Գողություն Խարդախություն Խուլիգանություն Թմրամիջոցի հայտնաբերում Ապօրինի ծառահատում Որսագողություն Հայտարարվել է հետախուզում Հետախուզվողի հայտնաբերում Զենք-զինամթերքի կամավոր հանձնում Զենք-զինամթերքի հայտնաբերում Անհայտ կորած Անձի առևանգում Դիակի հայտնաբերում Յուրացում կամ վատնում Շորթում Թունավորում ԱՄՏ-ի փախցնել Հրդեհ Պայթյուն և վթար Պաշտոնեական լիազորությունների չարաշահում Պաշտոնեական կեղծիք կամ անփութություն Ապօրինի կամ կեղծ ձեռնարկատիրություն Գույքի դիտավորությամբ ոչնչացում Մարդկանց առևտուր կամ սեռական շահագործում Բռնաբարություն կամ բռնաբարության փորձ Կավատություն Կաշառակերություն Մաքսանենգություն Դրամանենգություն Ընտրական իրավունքի խախտում Համակարգչային հանցագործություն Բռնություն իշխանության ներկայացուցչի նկատմամբ Օդային և երկաթուղային վթար Դեպքեր սահմանային գոտում Փախուստ ՁՊՎ-ից Ինքնասպանություն կամ ինքնասպանության փորձ Փախուստ ՔԿՀ-ից, ՔՄ-ից Այլ հանցագործություններ Վիճակագրական տվյալներ
ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
Հունվարի 19-ին տեղի ունեցավ Հայաստանում Իտերպոլի ազգային կենտրոնական բյուրոյի 2010 թվականի գործունեության արդյունքների ամփոփմանը նվիրված հաշվետու խորհրդակցություն, որին մասնակցում էր ՀՀ ոստիկանության պետի առաջին տեղակալ, ոստիկանության գեներալ-մայոր Հունան Պողոսյանը:
Հաշվետու խորհրդակցությունն անդրադարձավ բյուրոյի գործունեության բոլոր ոլորտներին:
Նշվեց, որ 2010 թվականի ընթացքում ՀՀ-ում Ինտերպոլի ԱԿԲ-ի կողմից իրականացվել են որոշակի աշխատանքներ միջազգային հանցավորության դեմ պայքարի ոլորտում: Հաշվետու ժամանակահատվածում ԱԿԲ-ի հիմնական խնդիրներն են հանդիսացել` ոստիկանական ծառայություններին և ազգային իրավապահ մարմիններին քրեական ոստիկանության միջազգային կազմակերպության տրամադրության տակ առկա տեղեկատվությամբ ապահովումը (օպերատիվ և մեթոդական), արագ և արդյունավետ կապի հաստատումը Ինտերպոլի անդամ երկրների ոստիկանական մարմինների հետ` եղած օպերատիվ տեղեկատվությունն իրացնելու նպատակով:
ԱԿԲ-ի գործունեության ուղղություններից առաջնահերթային են համարվել` հետախուզումը, անձերի օպերատիվ ստուգումները և նույնացումը, առևանգված ավտոտրանսպորտային միջոցների հետախուզումը, դրամանենգությունը և փաստաթղթերի կեղծումը և այլն:
Հաշվետու ժամանակահատվածում ԱԿԲ-ն համագործակցել է Ինտերպոլի անդամ 102 երկրների հետ, որոնցից առավել ակտիվ կապ է եղել Ռուսաստանի Դաշնության, Գերմանիայի, ԱՄՆ-ի, Լեհաստանի, Թուրքիայի, Իրանի, Ուկրաինայի, Շվեդիայի, Ֆրանսիայի և Ավստրիայի հետ:
 |
 |
Ինտերպոլի անդամ երկրներից հետախուզման վերաբերյալ ստացված հարցումների հիման վրա կատարված աշխատանքների արդյունքում ոստիկանության մարմինների միջոցով հաջողվել է կազմակերպել 37 անձանց հայտնաբերումը Հայաստանի Հանրապետությունում (15-ը հետախուզվում էին միջազգային մակարդակով), որոնցից 9-ը ձերբակալվել են:
Հետախուզման մեջ գտնվող անձանց վերաբերյալ ՀՀ ոստիկանության մարմինների կողմից ստացված հարցումների հիման վրա տեղեկատվության օպերատիվ ուղեկցումը կազմակերպելու շնորհիվ հաջողվել է պարզել նրանցից 119-ի (2009 թ.` 99) գտնվելու վայրը, որոնցից 101-ը (2009 թ.` 84) ձերբակալվել են, իսկ 26-ը (2009 թ.`-18)՝ ենթարկվել էքստրադիցիայի:
Ինտերպոլի ուղիներով իրականացված աշխատանքների շնորհիվ հաջողվել է հայտնաբերել միջազգային հետախուզման մեջ գտնվող 35 անձանց (2009 թ.` 26), որոնցից 34-ը (2009 թ.` 24) ձերբակալվել են, 10-ը` (2009 թ.` 9) ենթարկվել էքստրադիցիայի:
ՀՀ պետական եկամուտների կոմիտեի մաքսային ձևակերպումների մասնագիտացված կետից ստացված տեղեկատվության հիման վրա ստուգվել է 19422 ավտոտրանսպորտային միջոց: Արդյունքում՝ Հայաստանում հայտնաբերվել է հափշտակված 14 ավտոմեքենա: Միջազգային հետախուզման մեջ են գտնվում Հայաստանի տարածքում հափշտակված 108 ավտոմեքենաներ:
Ամփոփելով խորհրդակցությունը, ՀՀ ոստիկանության պետի առաջին տեղակալ, ոստիկանության գեներալ¬մայոր Հունան Պողոսյանը նշեց, որ ՀՀ-ում Ինտերպոլի ազգային բյուրոն հաշվետու ժամանակաշրջանում շոշափելի աշխատանք է տարել իր վրա դրված պարտավորությունները կատարելու ուղղությամբ, նկատելի է զգալի առաջընթաց: Սակայն կան ընթացքի մեջ գտնվող խնդիրներ, որոնց վրա հարկ է առանձնահատուկ ուշադրություն դարձնել, զարգացնել հաջողությունները, վերացնել թերություններն ու վրիպումները: Ոստիկանության պետի առաջին տեղակալն այդ խնդիրների թվում կարեւորեց բարեփոխումների իրականացումը, երիտասարդ կադրերի պատրաստումը, միջազգային համագործակցության ամրապնդումը, պայքարը միջազգային եւ տարածաշրջանային հանցավորության դեմ:
