Օպերատիվ իրավիճակը հանրապետությունում` դեկտեմբերի 25-ից 26-ը /ՏԵՍԱՆՅՈՒԹ/

Ըստ ոստիկանության օպերատիվ հաղորդագրությունների ամփոփագրերի` դեկտեմբերի 25-ից 26-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 30 դեպք։
Մասնավորապես՝ խարդախության 7, մարմնական վնասվածք հասցնելու 5, հարկերից խուսափելու 4, յուրացման կամ վատնման 3, անձնական ունեցվածքի գողության 2, անձի առևանգման, կողոպուտի, գույքի դիտավորությամբ ոչնչացման, կաշառակեության, պաշտոնեական լիազորությունների չարաշահման, դատական ակտը չկատարելու, թմրանյութի իրացման, ռադիոակտիվ նյութերի ապօրինի շրջանառության և սպանության սպառնալիքի 1-ական դեպք։
Հայտնաբերվել է 5 հետախուզվող, կամավոր ներկայացել է 3-ը:
Նախկինում կատարված հանցագործություններից բացահայտվել է անձնական ունեցվածքի գողության 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 16 պատահար, ինչի հետևանքով 1 մարդ զոհվել է, 24-ը՝ ստացել տարբեր աստիճանի մարմնական վնասվածքներ: