Տոնական միջոցառում նվիրված Հաղթանակի օրվան

Մայիսի 9-ի առավոտյան, ՀՀ ոստիկանության պետ, գեներալ-լեյտենանտ Վլադիմիր Գասպարյանի գլխավորությամբ, ոստիկանության կոլեգիայի անդամները, բարձրաստիճան սպաներն ու վետերանները Հաղթանակի զբոսայգում ծաղկեպսակ ու ծաղիկներ դրեցին Միլիցիայի հատուկ նշանակության ջոկատի մարտիկների հուշակոթողին՝ հարգանքի տուրք մատուցելով հանուն հայրենիքի զոհված զինակիցների պայծառ հիշատակին:
Ոստիկանության պետ Վլադիմիր Գասպարյանը Հայրենական Մեծ պատերազմում տարած հաղթանակի և Շուշիի ազատագրման տոնի կապակցությամբ շնորհավորեց Երկրորդ աշխարհամարտի և Արցախյան ազատամարտի վետերան ոստիկաններին:
Ոստիկանության պատվիրակությունը ծաղկեպսակ ու ծաղիկներ դրեց նաև Անհայտ զինվորի շիրմին՝ ի նշան երախտագիտության և ի հիշատակ Մեծ հայրենականում հաղթանակը կռած և հանուն խաղաղության իրենց կյանքը զոհաբերած զինվորների: