ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
20.05.2019 18:13
Ոստիկանները բացահայտեցին տերմինալների գողությունները
![Ոստիկանները բացահայտեցին տերմինալների գողությունները Ոստիկանները բացահայտեցին տերմինալների գողությունները](/resources/police/img/news/big/1558361740,982.jpeg)
Մայիսի 14-ին, ժամը 06.45-ին, ոստիկանության Մաշտոցի բաժին հաղորդում էր ստացվել, որ մայիսի 13-ի ժամը 22.00-ից մինչև մայիսի 14-ի ժամը 04.45-ն ընկած ժամանակահատվածում անհայտ անձիք, տեխնիկական միջոցների գործադրմամբ դռան փականը բացելով, Դավիթաշենի 2-րդ թաղամասում գործող հացի արտադրամասից գողացել են վճարային տերմինալ:
Նմանատիպ մեկ այլ ահազանգ ոստիկանության Մաշտոցի բաժին ստացվեց մայիսի 18-ին, ժամը 02.55-ին: Զանգահարած քաղաքացին հայտնում էր, որ մայիսի 17-ի ժամը 20.00-ից մինչև մայիսի 18-ի ժամը 02.40-ն ընկած ժամանակահատվածում, տեխնիկական միջոցների գործադրմամբ մուտքի դուռը բացելով, Դավիթաշենի 1-ին թաղամասում գործող խանութից գողացել են վճարահաշվարկային տերմինալ, որը դեպքի վայրի զննությամբ հայտնաբերվել է Դավիթաշենի 1-ին թաղամասի 34 շենքի մոտ:
Ոստիկանության Մաշտոցի բաժնի և Դավիթաշենի բաժանմունքի ծառայողները, օպերատիվ տվյալներն իրացնելով, գողությունները կատարելու կասկածանքով, մայիսի 18-ին, ժամը 20.00-ին, իրենց տան բակից բերման են ենթարկել 1989 թ. ծնված Հովհաննես Մ.-ին, որը տվել է խոստովանական բացատրություն:
Մյուս տերմինալը հայտնաբերվել է նշված արտադրամասի հետնամասում:
Կատարվում է քննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: