ԿԱՅՔԻ ՔԱՐՏԵԶ

ԹԵԺ ԳԻԾ

ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ

Գլխավոր էջ ՆՈՐՈՒԹՅՈՒՆՆԵՐԸնտրություններ

18.02.2013 18:39

Տեղեկատվությունը չի համապատասխանում իրականությանը

Զանգվածային լրատվության միջոցներով տարածվել է հայտարարություն, որ Շենգավիթ համայնքի անձնագրային բաժնի կողմից ներկայացված թիվ 12/14 ընտրատարածքի ընտրացուցակներում կան անճշտություններ, Շիրակի 20շ., բն. 16 հասցում երկու անձի փոխարեն գրանցված են են հինգ անձի անուններ:

ՀՀ ոստիկանությունը պարզաբանում է, որ վերը նշված հասցեում հաշված են ընտրելու իրավունքի ունեցող հետևյալ անձինք.

1. Գրիգոր Մովսեսի Դանիելյանը-14.05.2002 թ.-ից՝ մշտական հիմունքներով,

2. Անահիտ Արշավիրի Նիկալայանը-13.12.2000 թ.-ից՝ մշտական հիմունքներով,

3. Արմինե Սամվելի Հակոբյանը-24.08.2011 թ.-ից՝ ոստիկանության կողմից տրված փաստացի բնակվելու մասին տեղեկանքի հիման վրա,

4. Լևոն Հովհաննեսի Սարգսյանը՝ 28.10.2010 թ.-ից՝ ոստիկանության կողմից տրված փաստացի բնակվելու մասին տեղեկանքի հիման վրա,

5. Գոհար Թորգոմի Ադիլխանյանը՝ ոստիկանության կողմից տրված փաստացի բնակվելու մասին տեղեկանքի հիման վրա:

Հայտարարությունում նշված հասցեում բոլոր անձանց հաշվառումներն իրականացվել են ՀՀ օրենսդրության պահանջների հստակ պահպանմամբ:

ՀՀ ոստիկանությունը մեկ անգամ ևս պարզաբանում է, որ բնակելի տարածության նկատմամբ սեփականության իրավունք ունեցող անձն իրավասու է դիմելու անշարժ գույքի գտնվելու վայրի անձնագրային ծառայություն՝ սեփականության կամ օգտագործման իրավունչ չունեցող անձին ՀՀ կառավարության 2005 թվականի հուլիսի 14-ի թիվ 1231-Ն որոշմամբ սահմանված կարգով հաշվառումից հանելու խնդրանքով:

Նշված անձանց հաշվառումից հանելու վերաբերյալ դիմում լիազոր մարմինը չի ստացել:

Հաշվառման հիմքերը գտնվում են Չարբախի անձնագրային ծառայությունում:

ՀՀ ոստիկանություն