ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
05.06.2013 19:23
Վկայականներ դասընթացների մասնակիցներին
![Վկայականներ դասընթացների մասնակիցներին Վկայականներ դասընթացների մասնակիցներին](/resources/police/img/news/big/1370585175,9058.jpeg)
Ոստիկանության եւ ԵԱՀԿ երեւանյան գրասենյակի համագործակցության շրջանակներում ապրիլի 9-ից մայիսի 31-ը Միացյալ Թագավորությունից ոստիկանության գծով միջազգային փորձագետ Դեյվիդ Այենսոնը ոստիկանության կրթահամալիրում անցկացրեց վերապատրաստման երեք դասընթաց` «Գնահատման սկզբունքները եւ կիրառումը», «Դասավանդման ժամանակակից մոտեցումները», «Դասավանդման գործընթացի արդյունավետ ղեկավարման նպատակով որակի ապահովման գործընթացի կիրառումը» թեմաներով: Ոստիկանության կրթահամալիրի 14 աշխատակիցներ միջազգային փորձագետի օգնությամբ ուսումնասիրեցին եվրոպական երկրների ուսումնական հաստատություններում գործող գնահատման մոդելները, ոստիկանական կրթության ու վերապատրաստման ոլորտներում կիրառվող մեթոդները եւ այլն...
Հունիսի 5-ին ոստիկանության կրթահամալիրում տեղի ունեցավ մասնակցության վկայականների շնորհման արարողությունը: Վկայականները հանձնեցին ԵԱՀԿ երեւանյան գրասենյակի ղեկավար, դեսպան Անդրեյ Սորոկինը եւ կրթահամալիրի պետ, ոստիկանության գեներալ-լեյտենանտ Հովհաննես Վարյանը:
ԵԱՀԿ երեւանյան գրասենյակի ղեկավար, դեսպան Անդրեյ Սորոկինը բարձր գնահատեց ՀՀ ոստիկանության եւ ԵԱՀԿ երեւանյան գրասենյակի համագործակցությունը եւ մասնավորապես` վերապատրաստման դասընթացները: