ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
05.06.2019 14:54
Սևանի ոստիկանները բացահայտեցին սուպերմարկետից կատարված գողությունը
![Սևանի ոստիկանները բացահայտեցին սուպերմարկետից կատարված գողությունը Սևանի ոստիկանները բացահայտեցին սուպերմարկետից կատարված գողությունը](/resources/police/img/news/big/1559732110,7164.jpeg)
Մայիսի 24-ին, ժամը 11.20-ին, ոստիկանության Սևանի բաժին հաղորդում էր ստացվել, որ նույն օրը, ժամը 04.30-ի սահմաններում, Նաիրյան փողոցում գտնվող սուպերմարկետի մուտքի դուռը հարմարեցված գործիքով բացելով՝ մտել են ներս և գողացել դրամարկղի 100.000 դրամ գումարը, ծխախոտ, կոնֆետներ և մաստակներ:
Ոստիկանության Սևանի բաժնի ծառայողները, գողություն կատարելու կասկածանքով, Երևան-Իջևան ճանապարհի՝ «Հարսնաքար» հյուրանոցի հատվածից բաժին բերման են ենթարկել 4 երիտասարդի՝ նրանցից մեկի վարած «Օպել Աստրա» մակնիշի ավտոմեքենայով: Պարզվել է, որ գողությունը կատարել են նրանցից երկուսը:
Երիտասարդներից մեկը ձերբակալված է:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: