ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
04.06.2019 16:55
Սպիտակի ոստիկանները կասկածյալին բերման ենթարկեցին Իտալական թաղամասից
![Սպիտակի ոստիկանները կասկածյալին բերման ենթարկեցին Իտալական թաղամասից Սպիտակի ոստիկանները կասկածյալին բերման ենթարկեցին Իտալական թաղամասից](/resources/police/img/news/big/1559653134,4982.jpeg)
Հունիսի 3-ին, ժամը 10.50-ին, ոստիկանության Սպիտակի բաժնում մի քաղաքացուհուց հաղորդում է ստացվել, որ մայիսի 15-ի ժամը 17.00-ից մինչև հունիսի 3-ի ժամը 09.00-ն ընկած ժամանակահատվածում, մտել են իր տնակ և գողացել հեծանիվ, հեռուստացույց և էլեկտրական ջրատաքացուցիչ՝ պատճառելով մոտ 80.000 դրամի վնաս:
Ոստիկանության Սպիտակի բաժնի ծառայողները, օպերատիվ տվյալներն իրացնելով, գողությունը կատարելու կասկածանքով, հունիսի 3-ին, ժամը 18.45-ին, Իտալական թաղամասից բերման են ենթարկել նույն թաղամասի 46-ամյա բնակչի, որը ներկայացվել է քննչական բաժին, որտեղ և խոստովանական ցուցմունք է տվել:
Գողոնը հայտնաբերվել և առգրավվել է:
Կատարվում է նախաքննություն:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: