ՌԴ իրավապահների կողմից հետախուզվողները ներկայացան ոստիկանություն

Ոստիկանության ՔՀԳՎ ծառայողների անցկացրած բացատրական աշխատանքների շնորհիվ հունիսի 20-ին, ժամը 10.15-ին, ոստիկանության քրեական հետախուզության գլխավոր վարչություն է ներկայացել 39-ամյա Գևորգ Ա.-ն, որը հունիսի 11-ից հետախուզվում էր ՌԴ ՆԳՆ օդանավակայանի «Շերեմետևո» գծային բաժնի կողմից՝ ՌԴ քրեական օրենսգրքի 200.1 հոդվածի (դրամական միջոցների մաքսանենգություն) մեղադրանքով:

***

«Հետախուզում-2019» օպերատիվ-կանխարգելիչ միջոցառման շրջանակներում ոստիկանության Աշտարակի բաժնի քրեական հետախույզների անցկացրած բացատրական աշխատանքների շնորհիվ հունիսի 20-ին, ժամը 15.40-ին, ոստիկանության Աշտարակի բաժին է ներկայացել 23-ամյա Ալբերտ Վ.-ն, որը հունիսի 3-ից հետախուզվում էր ՌԴ ՆԳՆ Նիժնի Նովգորոդ քաղաքի իրավապահների կողմից՝ ՌԴ քրեական օրենսգրքի 111 հոդվածի (մարմնական վնասվածք) մեղադրանքով: