Պատահարներ Երևանում և հանրապետության ավտոճանապարհներին

Հուլիսի 15-ին, ժամը 10.40-ին, Երևանի Արշակունյաց պողոտայի և Շահամիրյանների փողոցի խաչմերուկում իրար են բախվել «Մերսեդես» մակնիշի 2 ավտոմեքենա:
Ավտոմեքենաների մեկի 2 ուղևորուհիները վնասվածքներով բուժօգնության են դիմել հիվանդանոց:
Կատարվում է քննություն:

***
Հուլիսի 15-ին, ժամը 14.20-ին, Երևանի Չեխովի փողոցի թիվ 54 հասցեի մոտ «Ֆորդ» մակնիշի ավտոմեքենա է բախվել «ԳԱԶ-24» մակնիշի ավտոմեքենայի:
«Ֆորդ»-ի 2 ուղևորուհիները վնասվածքներով տեղափոխվել են հիվանդանոց:
Կատարվում է քննություն:

***
Հուլիսի 15-ին, ժամը 18.00-ի սահմաններում, Ստեփանավանի Բաղրամյան փողոցի թիվ 78 հասցեի մոտ «Աուդի» մակնիշի ավտոմեքենա է բախվել «Ֆոլքսվագեն-Գոլֆ» մակնիշի ավտոմեքենայի:
«Աուդի»-ի վարորդը մարմնական վնասվածքներով դիմել է հիվանդանոց:
Կատարվում է քննություն:

***
Հուլիսի 15-ին, ժամը 09.30-ի սահմաններում, Երևան-Աշտարակ ճանապարհի 12-րդ կմ-ին «Օպել Վեկտրա» մակնիշի ավտոմեքենա է բախվել «ՎԱԶ-2102» մակնիշի ավտոմեքենայի:
«ՎԱԶ-2102»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Հուլիսի 15-ին, ժամը 20.00-ին, հիվանդանոցից ոստիկանության Ախուրյանի բաժնում հաղորդում է ստացվել, որ քթի կոտրվածքով բուժօգնության է տեղափոխվել 11-ամյա աղջիկ:
Երեխայի հայրը հայտնել է, որ նույն օրը, ժամը 19.20-ի սահմաններում, իր «ՎԱԶ 2106» մակնիշի ավտոմեքենայով Գյումրի-Առափի ճանապարհի 1-ին կմ-ին բախվել է ճամփեզրի բետոնե արգելապատնեշին, ինչի հետևանքով դուստրը ստացել է նշված վնասվածքը:
Կատարվում է քննություն:

***
Հուլիսի 15-ին, ժամը 13.30-ի սահմաններում, Մեղրի-Երևան ճանապարհի 128-րդ կմ-ին «Մերսեդես-Բենց» մակնիշի ավտոմեքենա է դուրս եկել երթևեկելի գոտուց և գլորվել աջակողմյան բարձունքից, ինչի հետևանքով վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն: