ԿԱՅՔԻ ՔԱՐՏԵԶ
ԹԵԺ ԳԻԾ
ՏԵԽՆԻԿԱԿԱՆ ՍԱՐՔԵՐՈՎ ՀԱՅՏՆԱԲԵՐՎԱԾ ԻՐԱՎԱԽԱԽՏՈՒՄՆԵՐ
03.06.2019 14:25
ՊՊԾ գնդի աշխատակիցների գիշերային շրջայցն արդյունավետ էր
![ՊՊԾ գնդի աշխատակիցների գիշերային շրջայցն արդյունավետ էր ՊՊԾ գնդի աշխատակիցների գիշերային շրջայցն արդյունավետ էր](/resources/police/img/news/big/1559557648,5169.jpeg)
Հունիսի 2-ին, գիշերվա մեկն անց կես, ոստիկանության Երևան քաղաքի վարչության ՊՊԾ գնդի ծառայողները Գայի պողոտայի և Ն. Ստեփանյան փողոցի խաչմերուկից գողություն կատարելու կասկածանքով ոստիկանության Նոր Նորքի բաժին բերման են ենթարկել 25-ամյա մի երիտասարդի: Նա խոստովանել է, որ կես ժամ առաջ վերոհիշյալ խաչմերուկի մոտ տեղադրված վճարային տերմինալը փորձել է մետաղական ձողով բացել ու կատարել գողություն:
Պարզվել է նաև, որ մինչ այս երիտասարդը նույն խաչմերուկին հարակից հատվածում գտնվող մի գրասենյակի ապակին փորձել է քարով կոտրել ու կատարել գողություն, սակայն ապակին չի կոտրվել, և ոչինչ չգողանալով՝ նա հեռացել է:
Ձեռնարկվում են միջոցառումներ երկու դեպքով տուժողներին հայտնաբերելու ուղղությամբ:
Նախապատրաստվում են նյութեր:
***
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: