Նոյեմբերի 4-ից 8-ն ընկած ժամանակահատվածում «Թեժ գծի» 010-37-02-36 հեռախոսահամարին ստացված զանգերին տրվել են անհրաժեշտ պարզաբանումներ, կատարվել են շտկումներ

ՀՀ Սահմանադրության փոփոխությունների հանրաքվեի մասնակիցների ցուցակներում անճշտությունների վերաբերյալ հաղորդումներ ընդունելու նպատակով ոստիկանությունում ստեղծված «Թեժ գիծ» ծառայության 010-37-02-36 հեռախոսահամարին նոյեմբերի 4-ից 8-ը ընկած ժամանակահատվածում ստացվել է 8 զանգ:
1. Աշտարակ քաղաքի Շահազիզի փ. տներից մեկի բնակիչ Հ. Ղ.-ն տեղեկեցրել է, որ իր հասցեում հաշվառված է 3 մարդ: Ուսումնասիրության արդյունքում պարզվել է, որ նրանք պետք է հաշառված լինեին Շահազիզի փ. մեկ այլ հասցեում: Տեխնիկական սխալը շտկվել է:
2. Ա. Ի.-ն հայտնել է, որ իր ամուսնու՝ Վ. Մ.-ի տվյալները առկա չեն քվեարկությանը մասնակցող անձանց ցուցակներում: Ուսումնասիրության արդյունքում պարզվել է, որ ՀՀ կառավարությանն առընթեր պետական գույքի կառավարման վարչության գրության հիման վրա 10.10.2013 թ. անձնագրային ծառայության կողմից վերջինս և նրա կինը հանվել են Մոլդովական 29/4 շենք, բն. 410 հասցեի հաշվառումից, քանի որ նշված հասցեում գտնվող անշարժ գույքը ամրակցված է եղել վերը նշված մարմնի տնօրինությանը: Ընդ որում, ամուսինները չեն բնակվել նշված հասցեում, իսկ բնակելի տարածությունը ՀՀ կառավարության 2007 թ. նոյեմբերի 29-ի թիվ 1486-Ա որոշմամբ հատկացված է եղել այլ անձանց:
3. Ա. Չ.-ն տեղեկացրել է, որ իր կինը՝ Ա. Մ.-ն, պետք է հաշվառված լինի Երևան քաղաքի Քեռու փ. 58/1 շենքի բն. 7 հասցեում, սակայն քվեարկությանը մասնակցող անձանց ցուցակներում ընդգրկված է Երևան քաղաքի Քանաքեռ Մանկական քաղաք տուն 6 հասցեում: Ուսումնասիրության արդյունքում պարզվել է, որ անձը բնակչության պետական ռեգիստրում շարունակել է մնալ հաշվառման մեջ նախկին հասցեով: Տեխնիկական սխալի պատճառով քաղաքացին նոր բնակության վայր տեղափոխվելու կապակցությամբ ռեգիստրի բազայում չի վերահաշվառվել նոր հասցեով: Վրիպումը շտկվել է և տեղեկացվել քաղաքացուն:
«Թեժ գծով» ստացված մյուս 5 ահազանգերը եղել են տեղեկատվական բնույթի, որոնց կապակցությամբ քաղաքացիներին տրվել են համապատասխան պարզաբանումներ:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅՈՒՆ