Պատահարներ հանրապետության ավտոճանապարհներին

Նոյեմբերի 4-ին, ժամը 09.00-ի սահմաններում, «ՎԱԶ-21011» մակնիշի ավտոմեքենայի վարորդը Գեղարքունիքի մարզի Ծովագյուղի կենցաղի տան դիմաց վրաերթի է ենթարկել 5-ամյա աղջկա և 35-ամյա կնոջ և իր ավտոմեքենայով նրանց տեղափոխել Սևանի հիվանդանոց: 
Կատարվում է քննություն:
                                                           ***
Նոյեմբերի 4-ին, ժամը 19.15-ի սահմաններում, անհայտ մակնիշի ավտոմեքենայի վարորդը Արզնի-Բյուրեղավան ճանապարհի խաչմերուկում վրաերթի ենթարկել 46-ամյա տղամարդու, որը մարմնական վնասվածքներով բուժօգնության է դիմել «Աբովյան» բժշկական կենտրոն:
Կատարվում է քննություն:
                                                           ***
Նոյեմբերի 4-ին, ժամը 20.00-ի սահմաններում, «ՎԱԶ-2106» մակնիշի ավտոմեքենան Գյումրիի Ղանդիլյան փողոցի թիվ 45 շենքի դիմաց բախվել է ճամփեզրին կայանված «Ֆոլքսվագեն Գոլֆ-3» մակնիշի ավտոմեքենայի, այնուհետև հարվածել 20-ամյա հետիոտնի, որը մարմնական վնասվածքներով տեղափոխվել է հիվանդանոց:
Կատարվում է քննություն: