Պատահարներ Երևանում և հանրապետության ավտոճանապարհներին

Հունվարի 13-ին, ժամը 08.45-ին, թիվ 27 երթուղու միկրոավտոբուսի վարորդը Երևանի Հալաբյան և Մարգարյան փողոցների խաչմերուկում արգելակել է, ինչի հետևանքով 53-ամյա ուղևորուհին վայր է ընկել սրահում և մարմնական վնասվածքներով տեղափոխվել հիվանդանոց:
Կատարվում է քննություն:

***
Հունվարի 13-ին, ժամը 21.20-ին, Երևանի Բագրատունյաց փողոցում իրար են բախվել «Դեու» և «ՎԱԶ-2115» մակնիշի ավտոմեքենաներ:
«ՎԱԶ-2115»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 13-ին, ժամը 10.45-ի սահմաններում, «ԲՄՎ» մակնիշի ավտոմեքենայի վարորդը Արագածոտնի մարզի Կարբի գյուղի սկզբնամասում վրաերթի է ենթարկել 42-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Հունվարի 13-ին, ժամը 19.00-ի սահմաններում, ոստիկանության Հրազդանի բաժնի մերձակայքում իրար են բախվել «Լեքսուս» և «Օպել Աստրա» մակնիշի ավտոմեքենաներ, ինչի հետևանքով «Լեքսուս»-ի ուղևորը մարմնական վնասվածքներով բուժօգնության է դիմել հիվանդանոց:
Կատարվում է քննություն:

***
Հունվարի 13-ին, ժամը 22.30-ի սահմաններում, «Ռենջ-Ռովեր» մակնիշի ավտոմեքենան Գյումրիի Անկախության հրապարակի թիվ 30 հասցեի մոտ բախվել է «Նիսան-Մարչ» մակնիշի ավտոմեքենայի:
«Նիսան-Մարչ»-ի ուղևորը մարմնական վնասվածքով տեղափոխվել է հիվանդանոց:
Կատարվում է քննություն:

***
Հունվարի 14-ին, ժամը 00.10-ի սահմաններում, «ՎԱԶ-21070» մակնիշի ավտոմեքենան Գյումրիի Տիգրան Մեծի փողոցի թիվ 19 շենքի մոտ բախվել է էլեկտրասյանը, ինչի հետևանքով վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն: